Olar - ómir boıyna bas bostandyǵynan aıyrylǵandar.
Bul týraly Syrtqy ister mınıstrliginiń resmı ókili Aıbek Smadıarov BAQ ókilderimen ótken brıfıńte aıtty, dep habarlaıdy Almaty-akshamy.kz.
Onyń aıtýynsha, áıelderdiń negizgi talaby - óz elderine tezirek ekstradısıalaný. Eske salaıyq, jazasyn ótep jatqan qazaqstandyqtar - osydan birneshe jyl buryn ómir boıyna bas bostandyǵynan aıyrylǵandar. Al olardyń balalary «Rýsafa» operasıasy aıasynda Iraktan Qazaqstanǵa jetkizilgen bolatyn.
«Tutqyndar óz memleketterine tezirek ekstradısıalaý týraly talap etýde. Ashtyq aksıasy Irak bıliginiń "Raqymshylyq týraly" zańǵa qol qoıý týraly qaýesetter aıasynda bastaldy. Qolda bar aqparatqa sáıkes, Irak bıligi barlyq sanattaǵy qylmys jasaǵan adamdarǵa raqymshylyq jasaý týraly zańǵa bıyl qol qoıýdy josparlap otyr. Bul naqty emes, qolda bar aqparat», - dedi Syrtqy ister mınıstrliginiń resmı ókili Aıbek Smadıarov.