Sheteldikterdiń basym bóligi qurylys salasynda jumys isteıdi.
2023 jylǵy 1 naýryzdaǵy jaǵdaı boıynsha, elimizde 13 403 shetel azamaty eńbek etedi, dep almaty-akshamy.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
"Shetel jumys kúshin tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 565 ruqsat (birinshi sanat), qurylymdyq bólimshelerdiń basshylary úshin 2 966 ruqsat (ekinshi sanat). Tartylǵan SHJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 199 jáne 883 adam. Sondaı-aq maýsymdyq jumystarǵa 391 adam, al korporatıvtik aýystyrý aıasynda 1 399 adam tartyldy", - delingen habarlamada.
Elimizde sheteldik jumys kúshin paıdalanatyn 1 640 jumys berýshi bar. Olarda qyzmetkerlerdiń jalpy sanynyń 96%-yn (409 myńnan astam) Qazaqstan azamattary quraıdy.
Aqparatqa sáıkes, sheteldikterdiń basym bóligi qurylys salasynda eńbek etedi (5 494 adam).
"Budan basqa taý-ken ónerkásibi jáne karerlerdi qazý salasynda – 1 455 adam (11%); kásibı, ǵylymı jáne tehnıkalyq qyzmet – 995 adam (8%); óńdeý ónerkásibi – 889 adam (7%); aýyl, orman jáne balyq sharýashylyǵy – 641 adam (5%)", - dep habarlady vedomstvo.
Eńbek mıgranttary Qytaı (3 411 adam), Úndistan (1 685 adam), Túrkıa (1 523 adam), Ulybrıtanıa (1 073 adam), Ózbekstan (769 adam) sıaqty elderden keledi.
Mınıstrlik sheteldik jumys kúshin tartýǵa arnalǵan kvotany 22 226 birlik (0,24%) dep belgiledi.