Úndistannyń Nú-Delı qalasynda bokstan áıelder arasyndaǵy álem chempıonaty ótip jatyr.
Jarystyń kezekti kúni jeńil salmaqtaǵy Alýa Balqybekova sıngapýrlyq qarsylasyn aıqyn basymdyqpen utty. Qorytyndy esep: 5:0. Artynsha Jaına Shekerbekova men Nadejda Rábes te ońtústikkoreıalyq boksshylarmen jolyǵyp, tóreshiler sheshimimen jeńimpaz atandy. Buǵan qosa 57 kelidegi Karına Ibragımova da úmitti aqtady.
Ótken álem chempıonatynda qola jeńip alǵan jerlesimiz jarystyń basty favorıtteriniń biri kolýmbıalyq Valerıa Arboleda Mendosany tenhnıkalyq nokaýtpen jeńdi. Al 50 kelide synǵa túsken Nazym qyzaıbaı alǵashqy aınalymnan ári asa almady. Ol Vetnam ókili Thı Tam Ngýennen jeńilip qaldy.
Aıta keteıik, Nú-Delı qalasyndaǵy dúnıejúzilik doda 26 naýryzǵa deıin jalǵasady. Oǵan 60 elden 300-den asa sportshy qatysyp jatyr. Tipti shekteýlerge qaramastan Reseı men Belarýs quramalary tolyqqandy qatysýǵa múmkindik aldy.
Halyqaralyq boks federasıasynyń osy sheshimine Amerıka jáne Eýropa elderi qarsy shyǵyp, jarysqa múlde kelmeı qoıdy. Buǵan qosa bıyl jeńimpazdarǵa beriletin syıaqy da artty. Máselen, birinshi orynǵa 100 myń, ekinshi jáne úshinshi oryndarǵa, sáıkesinshe, 50 jáne 25 myń AQSH dollarynan qarastyrylǵan