Al bıyl dúnıe esigin ashatyn 10 Qunanbaıǵa jýrnalıs Nurseıit Jylqyshybaı 300 myń teńgeden berem dep otyr.
Budan buryn kásipker Dýlat Tastekeı Abaıdyń 180 jyldyǵyna keremet bir bastama kóterip, 2025 jyldyń 10 tamyz kúni dúnıe esigin ashqan barlyq Abaılarǵa 180 myń teńgeden beretinin aıtqan, dep habarlaıdy aqshamnews.kz
Nurseıit Jylqyshybaı balasynyń atyn Qunanbaı dep qoıǵan on adamǵa «Alaman» kompanıasynyń atynan 3 mln teńge, ıaǵnı ár adamǵa 300 myń teńgeden beredi. Jýrnalıs bul ıdeıany kásipker Dýlat Tastekeıden alǵan eken.
"Kásipker Dýlat Tastekeı aǵamyz Uly Abaıdyń 180 jyldyǵyna keremet bir bastama kóterip jatyr eken. 2025 jyldyń 10 tamyz kúni dúnıe esigin ashqan barlyq Abaılarǵa 180 myń teńgeden bermek eken. «Asyltas» qorynyń bul bastamasyn men de óz shama-sharqymsha qoldaımyn. Biraq... ", -deı kele óz shartyn feısbýk arqyly jarıalady.
"Qazaqta Abaı degen at az emes. Al Qunanbaı she? Alda bir jazǵanymdaı Qunanbaı, Dónentaı, Tursyn syndy qazir qazaqy attar qoıylmaı ketti. Esesine arabsha attar qaptady. Bul bir. Ekinshiden Abaıdyń Abaı bolýyna yqpal etken ákesi. Emendeı berik, báıterekteı zor Qunanbaı! Qaradan shyǵyp han bolǵan. Ádildikti qaq jarǵan sheshen ári balýan bolǵan tulǵa!" -dep jazdy N. Jylqyshybaı.
Balasynyń atyn Qunanbaı dep qoıǵan ata-ana 300 myń teńgeni alý úshin Qunanbaı dep qoıǵanyn dáleldeıtin týý týraly kýálikti N. Jylqyshybaı kórsetken WhatsApp nomerine jiberý kerek. Bul shara 1 naýryzdan bastalady.
Ulttyq statısıka búrosyndaǵy aqparat boıynsha, elimizde 1-18 jas arasynda Qunanbaı esimdi 135 bala bar. Qunanbaı esimdi 22 balanyń jasy – 3-te, bir Qunanbaı 12-de bolsa, bireýi – 13-te eken.