Sim-box jabdyqtarynyń ornalasý geografıasy keńeıip jatyr.
Eger buryn mundaı qurylǵylar negizinen iri qalalarda tárkilense, qazir qaskóıler olardy turǵyndary az aımaqtarda da ornalastyra bastady, dep habarlaıdy aqshamnews.kz İİM-ge silteme jasap.
Tek bir kúnde Balqash, Taraz, Ekibastuz jáne Petropavl qalalarynda kıberpolısıa bólinisteri prokýratýramen jáne uıaly baılanys operatorlarymen birlesip, sim-box jabdyqtarynyń zańsyz jumysyn áshkereleý boıynsha is-sharalar júrgizdi.
Operasıa barysynda tórt adam ustaldy, olardyń ekeýi kórshi memlekettiń azamattary. Tintý kezinde alty sim-box qurylǵysy, 24,5 myńnan astam sim-karta jáne perıferıalyq jabdyq tárkilendi.
Ustalǵandarǵa ınternet-alaıaqtarǵa kómekteskeni úshin 10 jylǵa deıin bas bostandyǵynan aıyrý jazasy kózdeledi.
Sim-box qylmyskerlerge álemniń kez kelgen jerinde bola otyryp, alaıaqtyq qońyraýlar jasaýǵa múmkindik beredi. Tek jabdyqtyń ózi sol memlekette ornalasýy jáne jergilikti baılanys operatorlarynyń trafıgin paıdalanýy jetkilikti.