Tizim bekitildi.
Eńbek jáne halyqty áleýmettik qorǵaý mınıstrligi shetel azamattaryna respýblıkada turýǵa yqtıarhat alýǵa múmkindik beretin suranysqa ıe mamandyqtar tizimin bekitti, dep habarlaıdy Almaty-akshamy.kz
Tizimge densaýlyq saqtaý, aqparattyq-kommýnıkasıalyq tehnologıalar, ınjenerıa, ǵylym jáne taǵy basqa salalarda suranysqa ıe 21 mamandyq engen.
"Suranysqa ıe mamandyqty meńgergen sheteldikter tólem qabilettiligin rastamaı, ishki ister organdarynda ońaılatylǵan tártippen turýǵa ruqsat rásimdeı alady. Turýǵa ruqsat 10 jylǵa nemese sheteldik pasporttyń qoldanylý merzimine sáıkes beriledi", - dep málimdedi Eńbek mınıstrliginde.
Eńbek jáne halyqty áleýmettik qorǵaý mınıstrliginiń "Sheteldikterdiń Qazaqstan Respýblıkasynda turaqty turýǵa ruqsat alýy úshin suranysqa ıe kásipter tizbesin jáne ony qalyptastyrý qaǵıdalaryn bekitý týraly" buıryǵy 2023 jylǵy 28 aqpannan bastap kúshine enedi.
Suranysqa ıe mamandyqtar tizimi:
1.Dáriger-neırohırýg;
2.Dáriger-gematolog;
3.Dáriger-onkolog;
4.Dáriger-neonatolog;
5.Dáriger-endokrınolog;
6.Organıkalyq emes zattar tehnologıasy jónindegi ınjener-zertteýshi;
7.Organıkalyq zattar tehnologıasy jónindegi ınjener-zertteýshi;
8.Farmasıa ınjener-tehnology;
9.Paıdaly qazbalardy daıyndaý jónindegi ınjener-zertteýshi;
10.Avıasıalyq ınjener;
11.Ǵarysh júıesiniń aparattyq-baǵdarlamalyq qamtylymy jónindegi ınjeneri;
12.Jańa tehnıka men tehnologıany engizý jónindegi ınjener;
13.Lazerlik jabdyq jónindegi ınjener;
14.Selúloza, qaǵaz, polıgrafıa jáne talshyq óndirisi tehnologıasy jónindegi ınjener-zertteýshi;
15.Injener-medısınalyq radıohımık;
16.Injener-medısınalyq fızık;
17.Toqyma shıkizatynyń klasıfıkatory;
18.Bakterıolog;
19.AT ınfraqurylymynyń arhıtektory;
20.Baǵdarlamalyq qamtylym arhıtektory;
21.Óndiristik oqytý sheberi (ınjenerıa jáne ınjenerlik is).