Bul týraly buıryq 4 naýryzdan bastap kúshine enedi.
QR Mádenıet jáne sport mınıstriniń 2023 jylǵy 14 aqpandaǵy buıryǵymen Ulttyq fılmderdi prokattaý men kórsetýden túsetin kiristerden Ulttyq kınony qoldaý memlekettik ortalyǵyna aýdarymdar jasaý qaǵıdasyna ózgeris engizildi, dep habarlaıdy Almaty-akshamy.kz
Atap aıtqanda, qujatta memlekettik ortalyq arqyly ulttyq fılmdi qarjylandyrý túrinde memlekettik qoldaý alǵan jeke jáne zańdy tulǵalar Memlekettik ortalyqqa ulttyq fılmderdi prokattaý men kórsetýden túsetin kiristerden aýdarymdardy iske asyratyny jazylǵan.
Aýdarym ulttyq fılmderdi prokattaý men kórsetýden túsetin kiristerden ulttyq fılmderdi prokattaý men kórsetýdi uıymdastyrýdy júzege asyratyn uıymnyń úlesi arasyndaǵy aıyrmadan mynadaı kólemde aýdarylady:
áleýmettik mańyzy bar fılmderdi, debúttik fılmderdi, oqıǵaly fılmderdi prokattaýdan jáne kórsetýden – tabystyń 20 paıyzy;
kórermenderdiń úlken aýdıtorıasyna arnalǵan oıyn fılmderinen, birlesip shyǵarylǵan fılmderden, prokattaýdan jáne kórsetýden – alynǵan memlekettik qoldaýdyń paıyzdyq araqatynasyna mólsherles.