Elimizde jaqsylyq jasap, qaıyrymdylyqpen aınalysyp júrgen azamattarǵa qurmetti ataq berilmek.
Bul týraly QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madıar Qojahmet málim etti, dep habarlaıdy Almaty-akshamy.kz QazAqparatqa silteme jasap.
«Qaıyrymdy is jasaǵan adamǵa nemese uıymǵa qurmetti ataq beriledi. Qazir onyń erejesi men talaby ázirlenip jatyr. Qaıyrymdylyq jasaǵany úshin beriletin qurmetti ataq jyl saıyn baıqaý negizinde taǵaıyndalady. Ataq jeke adamǵa nemese uıymǵa berilýi múmkin. Kisiniń nemese uıymnyń jasaǵan ıgi isterin arnaıy komısıa qarap, nátıjesinde qurmetti ataq berý nemese bermeý týraly sheshim qabyldanady», - dedi Madıar Qojahmet Ortalyq komýnıkasıalar qyzmeti alańynda ótken baspasóz máslıhatynda.
Komıtet basshysynyń aıtýynsha, qaıyrymdy jandarǵa beriletin qurmetti ataq - memleket tarapynan kórsetilgen alǵystyń belgisi.
Aıta ketsek, búgin Ortalyq komýnıkasıalar qyzmeti alańynda QR Aqparat jáne qoǵamdyq damý mınıstrligi ázirlegen «Keıbir zańnamalyq aktilerine volonterlik qyzmet, qaıyrymdylyq, memlekettik áleýmettik tapsyrys, strategıalyq áriptestikti iske asyrýǵa memlekettik tapsyrys, úkimettik emes uıymdarǵa arnalǵan granttar men syılyqtar, dárilik jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zań jobasy ortaǵa salyndy.
Mınıstrlik ókiliniń málimetinshe, atalǵan zań jobasyn ázirleýde jan-jaqty talqylaýlar júrgizilip, jurtshylyqtyń usynystary eskerildi.
Zań jobasy úsh negizgi bloktan turady: volonterlik qyzmet, qaıyrymdylyq jáne úkimettik emes uıymdardy memlekettik qoldaý.