Keshendi testileýden 176 talapker emtıhannan shettetildi.
Ortalyq málimetine sáıkes, respýblıka boıynsha 43 myńnan astam adam kompúterlik test tapsyrǵan, dep habarlaıdy Almaty-akshamy.kz Elorda.info-ǵa silteme jasap.
Olardyń 42 paıyzy shekti bal jınaǵan. Magıstratýraǵa túsýge nıetti azamattardyń jalpy ortasha kórsetkishi – 71 bal. Eń joǵary 140 upaıdy tek bir qatysýshy ǵana jınapty.
«Test tapsyrý barysynda ereje buzǵany úshin 328 adamnyń nátıjeleri joıyldy. Atap aıtqanda, tyıym salynǵan zattardy kirgizgen 176 talapker emtıhannan shettetildi. Testileý kezinde erej buzyp, 148 azamat aýdıtorıadan shyǵaryldy. Beınekameralardaǵy jazbalardy qaıta qaraý qorytyndysy boıynsha 4 adamnyń nátıjesi joıyldy. Sonymen qatar, emtıhanǵa kirgizý kezinde adamnyń túr-álpetin tanıtyn FACE-ID júıesi arqyly 4 bógde tulǵa anyqtaldy», - dep jazdy Ulttyq testileý ortalyǵy óziniń Telegram arnasynda.
Bıyl óz nátıjesimen kelispegen 20 myńnan astam adam apelásıaǵa ótinish bergen. Osyǵan saı, 121 test tapsyrýshynyń qorytyndysy oń sheshimin tapty.