Prokýrorlar aıyptaý jaǵyn ustanbaýy qajet.
Olardyń negizgi maqsaty – sottalýshynyń kináli nemese kinásiz ekendigin anyqtaýǵa kómek berý, dep habarlaıdy Almaty-akshamy.kz
24.kz deregine sáıkes, memlekettik aıyptaýshy sotta ádil, obektıvti jáne beıtarap bolýǵa mindetti. Buny Bas prokýror Berik Asylov elordada ótken memlekettik aıyptaýshylar forýmynda aıtty. Búginde zańgerlerdiń aıtýynsha, aqtaý úkimin alý múmkindigi 2%-ten az. Qazaqstanda prokýrorlar jetispeıdi, bul olardyń jumysynyń sapasyna áser etedi. Sol sebepti advokattar alqasy prokýrorlarmen zańnamalyq teńdikti qoldaıdy.
«Zańdy, ádil ári negizdi aıypty qoldaý – is boıynsha durys sheshimniń jáne adam quqyǵyn qorǵaýdyń kepili. Konstıtýsıamen belgilengen bul mindet prokýrorlarǵa erekshe jaýapkershilik júkteıdi. Memlekettik aıyptaýshy qoǵam men aqparat quraldarynyń erekshe nazarynda ekeni belgili. Onyń biliktiligine qarap, halyq jalpy prokýratýra organdaryna baǵa beredi», - deıdi QR Bas prokýrory Berik Asylov.