«Almatynyń týrısik ımıjine qaýip tónip tur. Týrıser ynsapsyz taksısterdiń qurbany bolýda». Osylaı dep dabyl qaqqan kásipkerler tıisti sharalar júrgizý kerek ekenin aıtty, dep habarlaıdy Almaty-akshamy.kz.
Azattyq Ruhy-nyń aqparaty boıynsha, Almaty halyqaralyq áýejaıynda «Atameken» kásipkerler palatasy qalalyq basqarmalardyń basshylarymen kezdesý ótkizdi. Kezdesý maqsaty – taksı júrgizýshilerine qatysty ózekti máselelerdi sheshý boldy.
«Bıyl Almatyǵa týrıser kóp keledi dep boljanyp otyr. Osyǵan oraı, týrısik maýsymda qonaqtar aǵynyn shekteıtin kez kelgen máselelerdi eńserý kerek. Osy máselelerdiń biri – jol aqysyn asyra alatyn taksı júrgizýshileri. Bul áýejaıda turaqty túrde jumys jasaıtyn júrgizýshiler emes, bir ret kelip, zańsyz aqsha tabýdy sheshkender. Bul másele shuǵyl sheshimdi qajet etip tur», - deıdi kásipkerler.
Sondyqtan jıynda qonaqúıler men basqa da týrısik oryndarda aqparattyq anyqtamany taratý qajet degen qorytyndyǵa keldi. Iaǵnı, sheteldik qonaq taksı júrgizýshisimen kıkiljińge tap bolsa, tıisti anyqtama arqyly kimge habarlasyp, qalaı aryz jazý kerek ekenin biletin bolady.
Aıta keterligi, Almaty áýejaıynda sheteldik azamattardyń aldynan kese kóldeneńdep shyǵyp, óz qyzmetin májbúrlep usynatyn, onymen qoımaı, jolaqy úshin oıǵa qonymsyz aqsha suraıtyn taksı júrgizýshilerine qatysty derekter jıi jarıalanyp jatyr. Máselen, kúni keshe ǵana shetel azamattaryn jetkizip, jol aqysyna 800 AQSH dollaryn alǵan taksı júrgizýshisiniń qylmystyq jaýapkershilikke tartylǵany habarlandy.