Qazaqstandyq polıseıler servıstik modelge kóship jatyr.
Bul jańashyldyq tártip saqshylarynyń jumys isteý qabilettiligin arttyrady, - deıdi İshki ister mınıstrligi. Endi ınspektorlar halyqpen, qoǵamdyq uıymdarmen tyǵyz baılanysta bolyp, óz aýmaǵyndaǵy turǵyndardyń áleýmettik-turmystyq máselelerin jiti zertteýleri qajet, dep habarlaıdy Almaty-akshamy.kz 24.kz-ke silteme jasap.
Servıstik model boıynsha jumys isteý aıasynda materıaldyq-tehnıkalyq baza da jańartylatyn bolady. Iaǵnı, arnaıy tehnıkalar men zamanaýı qondyrǵylardy satyp alý josparlanǵan. Budan bólek, halyqty qabyldaýǵa yńǵaıly bolatyn ýchaskelik pýnktter de ashylady. Osyndaı jobalardyń biri pılottyq rejımde Pavlodar qalasynda ornatylǵan.
«Mysalǵa alsaq, ýchaskelik polıseıdiń ákimshilik aýmaǵynda bir problema bar. Iaǵnı, qarańǵy jer, jaryq joq. Ol – problema. Ol jerde qylmys bolýy múmkin, urlyq bolýy múmkin, zorlyq bolýy múmkin degen sıaqty. Sol problemany qalaı sheshýimiz kerek? Ol jerdi jaryqtandyryp, ol jerge beınekamera ornatý kerek. Sol problemany birge sheshý kerek. Sol jerdegi halyqpen, qoǵammen jáne memlekettik uıymdarmen birlese otyryp», - deıdi QR İİM Ákimshilik polısıa komıteti basqarmasy bastyǵynyń orynbasary Azamat Qurymbaev