Bul joly bizdiń basty memlekettik nyshanymyzdy Jer sharynyń eń sýyq núktesine ózbekstandyq bloger Abdýrahmon Fazılov alyp shyqty. Ol Antarktıdaǵa toǵyz kúndik sapar jasap, "Port le Klark" aılaǵyna baryp, Ortalyq Azıa elderiniń dostyǵy men birligin nyǵaıtý maqsatynda bes týyn qatar qondyrdy, dep habarlaıdy aqshamnews.kz.
Fazılovtyń bul erekshe sapary bir jyl boıy josparlandy. Muz jaratyn alyp kemelermen Antarktıdaǵa attanǵan bloger, joldyń uzaq ári qaýipti bolaryn aldyn ala túsinip, erte qamdanǵan. Ol Ózbekstan astanasynan Túrkıaǵa ushyp, odan keıin Brazılıany basyp ótip, Argentınaǵa jetken. Bul sapardyń basty maqsaty – Ortalyq Azıa elderiniń baıraǵyn Antarktıdaǵa ornatý edi. Áleýmettik jelide 1,6 mıllıon oqyrmany bar bloger óziniń áserimen áli de bólisip júr.
Sapar barysynda Abdýrahmon qatty daýyl men qolaısyz aýa raıynyń kýási boldy. Týrıser komandasy "Port le Klark" aılaǵyna jetkende daýyldan keıin ǵana tý tigý mısıasyn oryndady.
Ol óz sózinde: "Osy saparǵa shyǵar aldynda barlyq 5 eldiń de týyn alyp barý ıdeıasy oıǵa keldi. Bul bir baýyrlas ulttar retinde bizdiń birligimizdi kórsetetin erekshe kórinis boldy", – dedi.
Tý ornatý mısıasy keıde aýa raıynyń qolaısyzdyǵyna baılanysty keshikkenimen, Abdýrahmon Fazılovtyń sapary Ortalyq Azıa elderiniń birligin, dostyǵyn jáne ortaq tarıhyn erekshe kórsetedi. Áleýmettik jeli qoldanýshylary onyń bul áreketin joǵary baǵalap, Qazaqstannan da qońyraý shalyp, alǵystaryn bildirýde.
Abdýrahmonnyń bul isi Ortalyq Azıa elderi arasyndaǵy bekem birliktiń taǵy bir mysaly bolyp tabylady.
Qazaq aqyny Altynbek Ismaılov: "Bul is Ortalyq Azıa elderiniń arasyndaǵy birlikti nyǵaıtýǵa, halyqtar arasyndaǵy ózara qurmetti arttyrýǵa úlken úles qosyp otyr. Biz osy arqyly bolashaqta da bir-birimizdi qoldap, dostyqty ári qaraı jalǵastyrýymyz qajet", – dep pikir bildirdi.
Osylaısha, Abdýrahmon Fazılov óziniń týyn Antarktıdada tigý arqyly tek saıahat emes, úlken máni bar sımvolıkalyq qadam jasady, ol elderimiz arasyndaǵy dostyqty nyǵaıtýǵa erekshe úles qosyp otyr.