2024 jylǵy 15-16 mamyr aralyǵynda barlyq óńirlerde «Órt-2024» respýblıkalyq komandalyq-shtabtyq oqý-jattyǵýy ótkiziledi.
Bul is-shara tabıǵı órtter týyndaǵan kezdegi is-qımyldarǵa basqarý organdarynyń, azamattyq qorǵaýdyń aýmaqtyq kishi júıesiniń kúshteri men quraldarynyń daıyndyq deńgeıin arttyrý maqsatynda uıymdastyryldy, dep habarlaıdy Almaty-akshamy.kz TJM-ge silteme jasap.
Oqý-jattyǵýdy úılestirý jónindegi respýblıkalyq shtab Qazaqstan Respýblıkasynyń Tótenshe jaǵdaılar vıse-mınıstri general-maıor Erlan Nurpeıisovtyń basshylyǵymen Abaı oblysynyń «Semeı Ormany MOTR» RMM Borodýlıha fılıalynyń aýmaǵynda ornalasqan.
Oqý-jattyǵý sheńberinde eki kún ishinde barlyq óńirlerde profılaktıkalyq is-sharalar kesheni, sondaı-aq árbir vedomstvo úshin jeke aıqyndalǵan tıisti kirispeler boıynsha azamattyq qorǵaý qyzmetterimen jáne quralymdarymen praktıkalyq is-qımyldar júrgiziledi.
Respýblıkalyq shtab tabıǵı sıpattaǵy tótenshe jaǵdaılarǵa jedel den qoıý úshin basqa oblystardan kúshter men quraldardy tartý jónindegi algorıtmdi pysyqtaıdy.