Qujat 27 qańtarǵa deıin qoǵam talqysyna shyǵaryldy.
Áleýmettik osal toptardyń quqyǵyn qorǵaıtyn ombýdsmen ınstıtýty paıda bolady, dep habarlaıdy Almaty-akshamy.kz
Qazaqstan Prezıdenti janynan Halyqtyń áleýmettik jaǵynan osal sanattarynyń quqyqtary jónindegi ýákil ınstıtýty qurylýy múmkin. Tıisti qujat «Ashyq NQA» portalynda jarıalandy.
Qaýlyda Ýákil ınstıtýty óz qyzmetin qoǵamdyq bastamada júzege asyratyny aıtylǵan.
Ýákildiń negizgi maqsattary – halyqtyń áleýmettik jaǵynan osal sanattarynyń quqyqtary men zańdy múddeleriniń kepildikterin qamtamasyz etý, sondaı-aq memlekettik jáne qoǵamdyq ınstıtýttarymen ózara is-qımylda olardyń quqyqtary men bostandyqtaryn qalpyna keltirý.
Ombýdsmen myna adamdardyń negizgi quqyqtary men zańdy múddelerin qorǵaıdy:
- Uly Otan soǵysynyń ardagerleri;
- jeńildikteri boıynsha Uly Otan soǵysynyń ardagerlerine teńestirilgen ardagerler;
- basqa memleketterdiń aýmaǵyndaǵy urys qımyldarynyń ardagerleri;
- múgedektigi bar adamdar;
- múgedektigi bar balalary bar nemese olardy tárbıelep otyrǵan otbasylar;
- ataýly áleýmettik kómek alýshylar;
- asyraýshysynan aıyrylý boıynsha járdemaqy alýshylar;
- jasyna qaraı zeınet demalysyna shyqqan zeınetkerler;
- qandastar;
- «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen nagradtalǵan kóp balaly analar, kóp balaly otbasylar jatady.
Qujat 27 qańtarǵa deıin qoǵam talqysyna shyǵaryldy.