El boıynsha 19,5 myń adam zardap shekken.
2022 jyldyń qańtar-qarasha aılarynda elimizde 13,4 myń jol-kólik oqıǵasy tirkelgen, dep habarlaıdy Almaty-akshamy.kz Ranking.kz-ke silteme jasap.
Bul 2021 jylmen salystyrǵanda 9,2%-ǵa artyq. Onyń ishinde 1,7 myń oqıǵa qaıǵyly jaǵdaımen aıaqtalǵan.
Kólik apatyna 11,6 myń jaǵdaıǵa júrgizýshilerdiń, 378-sine jaıaý júrginshilerdiń, úsheýine komýnaldyq qyzmetterdiń, al bir jaǵdaıǵa jol qyzmetteri men merdigerlerdiń qatysy bar.
Jol-kólik oqıǵalarynyń jıi bolatyn kúni – dúısenbi. Budan bólek jol apattary senbi men seısenbide de tirkelgen.
Eldegi barlyq jol-kólik oqıǵalarynyń 68%-y kúndiz, 19%-y ymyrt túsken kezde, 12%-y túnde tirkelgen.
Jol-kólik oqıǵalarynyń ishinde jaıaý júrginshilerdi qaǵyp ketý jaǵdaıy jıi kezdesti (5 myń oqıǵa). Kólikterdiń soqtyǵysýy – 3,2 myń jaǵdaı, kólikterdiń aýdarylýy – 1,2 myń jaǵdaı, kedergilerge soǵylý – 514 jaǵdaı, jolaýshylardyń qulaýy – 339 jaǵdaı.
Elimiz boıynsha kólik apatynyń basym bóligi Almatyda tirkelgen: 3,5 myń apat. Antılıderlerdiń úshtigine Almaty (1,9 myń jaǵdaı) jáne Jambyl (1,4 myń) oblystary kirdi. Jol-kólik oqıǵalarynyń eń az sany Ulytaý, Abaı jáne Jetisý oblystarynda tirkeldi.
Túrkistan oblysynda tirkelgen jol apattarynyń basym bóligi qaıǵyly jaǵdaımen aıaqtaldy (óńirdegi JKO jalpy sanynyń 37%-y). Odan keıingi oryndarda Qaraǵandy (33,9%), Ulytaý (33,3%), Abaı (29,8%) jáne Qyzylorda (23,4%) oblystary bar.
2022 jyldyń 11 aıynda elde jol-kólik oqıǵalary saldarynan 19,5 myń adam zardap shekti. Bul 2021 jylǵa qaraǵanda 9%-ǵa kóp. Onyń ishinde 17,3 myń adam (9,6 myń er adam, 7,7 myń áıel) jaraqat alyp, 2,2 myńy (1,7 myń er adam, 568 áıel) qaza tapty.
Óńirlik bóliniste jol apatynan eń kóp zardap shekkender Almaty qalasy (4,1 myń adam), Almaty (3,1 myń adam) jáne Jambyl oblystarynda (2,3 myń adam) baıqaldy.
«Ulttyq shuǵyl medısınany úılestirý ortalyǵynyń jedel derekterine sáıkes, 2023 jyldyń alǵashqy 3 kúninde jol apatynan 116 adam zardap shekti. Onyń ishinde 26-sy bala, úsheýi – júkti áıel. 76 adam aýrýhanaǵa jetkizildi, 9-y qaza tapty», - delingen habarlamada.