Bul týraly İshki ister mınıstrligi Ákimshilik polısıa komıteti tóraǵasynyń mindetin atqarýshy Qaısar Sultanbaev aıtty, dep habarlaıdy Almaty-akshamy.kz QazAqparatqa silteme jasap.
«Kólik ıesi qujattardy tapsyrǵan soń bekitilgen qaǵıda boıynsha onyń tupnusqalyǵy men sáıkestigi, ıaǵnı kóliktiń el aýmaǵyna 2022 jylǵy 1 qyrkúıekke deıin ákelingeni, izdeýde bar-joǵy tekseriledi. Kedendik rásimderden ótýi jáne sońǵy tirkelgen jerden esepten shyǵýy anyqtalady. Avtokólikti Qazaqstan aýmaǵyna kirgizý kúni Ulttyq qaýipsizdik komıtetiniń shekara qyzmeti jáne Memlekettik kirister komıtetiniń júıeleri arqyly aıqyndalady», - dedi Qaısar Sultanbaev mınıstrlikte ótken baspasóz máslıhatynda.
Spıkerdiń málimetinshe, joǵaryda atalǵan sátterdi tekserý, anyqtaý prosesi tolyqtaı avtomattandyrylǵan.
«Shekaradan ótken ár kólikke VIN-kod beriledi. Shekara qyzmetinde nemese memlekettik kirister organdarynda kólik quralyn ákelý týraly málimetter bolmaǵan jaǵdaıda onda másele avtosaqtandyrý polısiniń alǵashqy resimdelgen kúni boıynsha anyqtalady. Sondaı-aq elge ákelingen avtokólikter Interpol jáne TMD elderiniń bazalary boıynsha tekseriledi. Odan bólek Eýrazıa ekonomıkalyq odaǵynyń Biryńǵaı kedendik júıesi boıynsha qadaǵalanady», - deıdi mınıstrlik ókili.