Kredıt alǵan qazaqstandyqtar sany ósti.
Bankterdiń ekonomıkany kredıtteý kólemi bir aıda 0,9%-ǵa ulǵaıyp, 2022 jylǵy sáýirdiń sońynda 19 399,5 mlrd teńgeni qurady, dep habarlaıdy Almaty-akshamy.kz Qazaqparat silteme jasap.
«Zańdy tulǵalarǵa berilgen kredıt kólemi bir aıda 8 016,1 mlrd teńgege deıin 0,5%-ǵa tómendedi, jeke tulǵalarǵa 11 383,4 mlrd teńgege deıin 1,9%-ǵa ósti. Ulttyq valútadaǵy kredıtter kólemi bir aıda 17 637,6 mlrd teńgege deıin 1,6%-ǵa ulǵaıdy. Olardyń qurylymynda zańdy tulǵalarǵa berilgen kredıtter 1,0%-ǵa, jeke tulǵalarǵa berilgen kredıtter 2,0%-ǵa ósti. Shetel valútasyndaǵy kredıtter kólemi 1 762,0 mlrd teńgege deıin 5,6%-ǵa azaıdy. Olardyń qurylymynda zańdy tulǵalarǵa berilgen kredıt 5,6%-ǵa, jeke tulǵalarǵa berilgen kredıt 11,9%-ǵa tómendedi. 2022 jylǵy sáýirdiń sońynda teńgedegi kredıtterdiń úles salmaǵy 90,9% (2021 jylǵy jeltoqsanda – 89,7%) boldy», - delingen UB sáýir aıyndaǵy qarjylyq kórsetkishinde.
Uzaq merzimdi kredıtter kólemi bir aıda 16 047,4 mlrd teńgege deıin 0,5%-ǵa, qysqa merzimdi kredıtter kólemi 3 352,2 mlrd teńgege deıin 3,0%-ǵa ulǵaıdy. Shaǵyn kásipkerlik sýbektilerin kredıtteý 2022 jylǵy sáýirde 4 039,8 mlrd teńgege deıin 10,9%-ǵa (korporatıvtik sektor kredıtteriniń jalpy kóleminen 50,4%) tómendedi. 2022 jylǵy sáýirde banktik emes zańdy tulǵalarǵa ulttyq valútamen berilgen kredıtter boıynsha ortasha alynǵan syıaqy mólsherlemesi 15,2% (2021 jylǵy sáýirde – 11,6%), jeke tulǵalarǵa – 17,3% (17,3%) boldy.