Qazaqstannyń energetıka salasy boıynsha analıtıkalyq portaly «Enerdjı monıtor» osyndaı boljammen bólisti.
Habarlamaǵa saı, tamyzda 5,1 mln tonna munaı óndirildi. Jalpy, sońǵy 10 jylda kórsetkish tek eki ret tómendegen. 2016 jylǵy tamyzda shamamen 4,3 mln tonna jáne 2022 jylǵy maýsymda 4,9 mln tonna. Oǵan Qashaǵan keshenindegi zaýytishilik aqaýlar sebep boldy, dep habarlaıdy Almaty-akshamy.kz 24.kz-ke cilteme jasap.
Bul Qashaǵandaǵy munaı óndirisiniń 3,5 esege tómendeýine alyp keldi. Ekinshi - Qarashyǵanaq keshenin josparly kúrdeli jóndeý jumystary. Munaı jáne gaz aqparattyq-taldaý ortalyǵynyń málimetinshe, jyl basynan beri ortasha táýliktik munaı óndirý kólemi 228 myń tonna boldy. Osyndaı qarqyn saqtalǵan jaǵdaıda jyl sońynda bar bolǵany 83 mln tonna munaı óndiriledi. Al jospar boıynsha 85,7 mln tonna qara altyn óndirý kerek. Biraq sarapshylar qalǵan úsh aıda josparly kórsetkishke jetý ekitalaı degen pikirde.
«Sondyqtan Energetıka mınıstrligi munaı óndirý josparyn ekinshi ret qaıta qaraýǵa májbúr bolady», – deıdi olar.