Ótinish berilgen kúngi qujattyń qoldanylý merzimi 180 kúntizbelik kúnnen asýǵa tıis.
QR İshki ister mınıstrligi sheteldikter men azamattyǵy joq adamdarǵa Qazaqstanda ýaqytsha jáne turaqty turýǵa ruqsat berý qaǵıdalaryna ózgerister men tolyqtyrýlar ázirledi, dep habarlaıdy Almaty-akshamy.kz
Atap aıtqanda, turýǵa yqtıarhat alý úshin sheteldik tólqujat (pasport) – Qazaqstan Respýblıkasy sheteldiktiń nemese azamattyǵy joq adamnyń jeke basyn kýálandyratyn qujat retinde jáne olardyń quqyqtyq mártebesin anyqtaıtyn qujat retinde tanylǵan.
Sonymen qatar adamǵa tıisti memlekettiń quzyrly organy bergen sottylyǵy (sotysynyń joqtyǵy) týraly qujatty (eger halyqaralyq sharttarda ózgeshe kózdelmese, Qytaıdyń etnıkalyq qazaq azamattaryn qospaǵanda) usyný qajet.
Bul rette qujat qaǵaz jetkizgishte usynylady, oǵan ýákiletti organnyń ýákiletti qyzmetkeri qol qoıady jáne bólimsheniń eltańbaly mórimen kýálandyrylady.
İshki ister mınıstrliginde túsindirgendeı, sıfrlyq formattaǵy mundaı anyqtama shet memleketterdiń aqparattyq qyzmetterimen elektrondy ózara árekettesý bolmaǵandyqtan qabyldanbaıdy.
Sonymen qatar elektrondy túrde elektrondy qoltańbamen qol qoıylǵan sottylyǵynyń joqtyǵy týraly anyqtama qoldanýshynyń jeke kabınetinen elektrondy túrde jiberilgen jaǵdaıda ǵana qaǵaz túrindegi anyqtamaǵa teń ekeni aıtylady. Basyp shyǵarylǵan elektrondyq anyqtamanyń zańdy kúshi joq.
Qalǵan qujattar jınaǵy sol kúıinde qalady. Sonymen qatar mynalar kerek:
Qazaqstan Respýblıkasynda turaqty turýǵa ruqsat berý týraly ótinish nysany;
týý týraly kýáliktiń nemese 16 jasqa tolmaǵan balanyń jeke basyn kýálandyratyn basqa qujattyń kóshirmesi men túpnusqasy, eger birge usynylsa;
olardyń tólem qabilettiligin rastaıtyn qujat;
14 jastan 18 jasqa deıingi balanyń Qazaqstan Respýblıkasynda turaqty turýǵa notarıaldy kýálandyrylǵan kelisimi;
jeke nemese zańdy tulǵamen notarıaldy kýálandyrylǵan shart nemese ótinish berýshige turý jáne turaqty tirkeý úshin turǵyn úı berý týraly jeke nemese zańdy tulǵanyń notarıaldy kýálandyrylǵan ótinishi;
sheteldikter men azamattyǵy joq adamdardyń kelýine tyıym salatyn aýrýlarynyń joqtyǵy týraly sheteldikti medısınalyq tekserýden ótkeni týraly anyqtama;
foto ólshemi 35x45 mm;
memlekettik bajdyń tólengenin rastaıtyn qujat.
Shet tilinde jasalǵan qujattar qazaq nemese orys tilderine aýdarylýǵa tıis ekeni kórsetilgen. Bir tilden ekinshi tilge aýdarmanyń durys ekenin notarıýs kýálandyrady.
Shet memleketter bıliginiń qatysýymen jasalǵan nemese osy organdardan túsetin qujattar men aktiler zańdastyrý bolǵan jaǵdaıda qaraýǵa qabyldanady.
Qujat Ashyq NQA veb-saıtynda 10 qazanǵa deıin jarıalanǵan.