Internetti qosý - óte qymbat prosedýra.
Eldegi Internet jyldamdyǵy bir jyl ishinde 22% artqan, dep habarlaıdy Almaty-akshamy.kz finprom.kz saıtyna silteme jasap.
Qazaqstan mobıldi ınternet jyldamdyǵy boıynsha álem elderi reıtıńinde alty satyǵa kóterildi.
Keıingi onjyldyqta ınternet adam ómiriniń barlyq salalaryna dendep endi. COVID-19 pandemıasy kezinde búkil álem qashyqtan jumys istep, oqý oqyp, qyzmet kórsete bastaǵanda tipti erekshe mańyzǵa ıe boldy.
Qazaqstanda, búkil álemdegi sıaqty, mobıldi ınternettiń jyldamdyǵyna erekshe kóńil bólinedi. Speedtest Global Index derekterine sáıkes, 2022 jylǵy maýsymda mobıldi ınternet jyldamdyǵy boıynsha elder reıtıńinde Qazaqstan alty satyǵa kóterildi. Kórsetkish bir aıda 20,56 Mb/s-tan 22,53 Mb/s-qa deıin ulǵaıdy.
Qazaqstanda Internet Reseı, Qyrǵyzstan, Ózbekstan, Belarýs jáne basqa da kóptegen damýshy elderge qaraǵanda aıtarlyqtaı jyldam.
Bul rette álemdegi ınternet jyldamdyǵy boıynsha kóshbasshylar Norvegıa, BAÁ, Bolgarıa, Ońtústik Koreıa jáne Katar bolyp tabylady.
Elimizde mobıldi ınternettiń jyldamdyǵy ınternet-trafıkti tutynýdyń ulǵaıýymen qatar ósip kele jatqanyn atap ótken jón. 2021 jyly Tele2/Altel jelisi ishinde ınternet-trafıkti tutyný 33% — ǵa ósti, 1985 petabaıtqa deıin (nemese shamamen 2 eksabaıt) - bul barlyq uıaly baılanys operatorlary arasynda rekordtyq mán. Sarapshylardyń esepteýinshe, Tele2/Altel abonentteri eldiń mobıldi ınternetin tutynýdyń jalpy kóleminiń 60% - yn quraıdy. Sonymen qatar, Kcell-de trafıkti tutynýdyń ósýi 36,8% - dy, 620 petabaıtqa deıin qurady. Iaǵnı, efır júktemesiniń ósýimen eldegi Internet jyldamdyǵy artyp keledi, bul uıaly baılanys operatorlarynyń ınfraqurylymyn damytýdy kórsetedi.
Internettiń damýyna el aýmaǵy aıtarlyqtaı áser etedi. Jer kólemi neǵurlym úlken bolsa, kabeldik symdardy jańartý soǵurlym qymbat bolady. Tıisinshe, Qazaqstanda Internetti qosý óte qymbat prosedýra. Infraqurylym ımporttalatyndyqtan, ol da baǵaǵa áser etedi.
Infraqurylymdy damytý men jańǵyrtýǵa negizinen baılanys operatorlarynyń ózderi óz qarajatyn salady. Jalpy, 2020 jáne 2021 jyldary baılanys sektoryna ınvestısıalardyń rekordtyq kólemi salynǵan: 140,9 mlrd jáne 128,6 mlrd teńge.