Úkimet qaýly ázirledi.
Qazaqstanda mıkrokredıtter boıynsha syıaqynyń shekti mánin ózgertý josparlanyp otyr, dep habarlaıdy Almaty-akshamy.kz
Qarjy naryǵyn retteý jáne damytý agenttigi tıisti qaýlynyń jobasyn ázirledi. Qujattyń jobasy "Ashyq NQA" saıtynda jarıalandy.
Onymen ulttyq banktiń mıkrokredıt boıynsha syıaqynyń shekti mánin belgileý týraly qaýlysyna ózgeris engizý qarastyrylǵan. Oǵan sáıkes, 45 kúnge berilgen mıkrokredıt boıynsha syıaqynyń shekti máni kúnine 0,8 paıyzdan aspaıdy. Syıaqynyń mólsheri de kórsetilgen.
Olar:
respýblıkalyq búdjet týraly zańda tıisti qarjy jylyna belgilengen aılyq eseptik kórsetkishtiń jıyrma bes eselengen mólsherinen (2023 jylda – 86 250 teńgeden) aspaıtyn berilgen mıkrokredıt somasynyń 20 paıyzy;
respýblıkalyq búdjet týraly zańda tıisti qarjy jylyna belgilengen aılyq eseptik kórsetkishtiń jıyrma bes eselengen mólsherine teń nemese odan asatyn berilgen mıkrokredıt somasynyń 15 paıyzy;
Budan bólek, 45 kúnge alynǵan kepilzaty bar mıkrokredıttiń syıaqysy 20 prosentten aspaýy shart. Al uzartylǵan jaǵdaıda syıaqynyń shekti máni kúnine 0,8 paıyzdan artyq bolmaýy qajet. Qaýlynyń jobasy 28 sáýirge deıin qoǵamdyq talqylaýdan ótedi.