Memlekettik qyzmetke turý úshin qazaq tilin bilý mindetteledi. Bul týraly Qazaqstan Respýblıkasynda til saıasatyn damytýdyń 2023–2029 jyldarǵa arnalǵan tujyrymdasynda jazyldy, dep habarlaıdy Almaty-akshamy.kz BAQ.KZ-ke silteme jasap.
- Memlekettik qyzmetshiler men qyzmet kórsetý organdaryna, t.b qyzmetkerlerge qyzmetke ornalasý barysynda «QAZTEST» júıesi arqyly test tapsyrý zańnamalyq turǵyda mindettelmegen. Atalǵan máseleni qoldanystaǵy normatıvtik-quqyqtyq aktilerge tıisti ózgerister engizý arqyly sheshý qajet etiledi, - delingen tujyrymdamada.
Qujatta bul usynystyń qashan qolǵa alynatyny kórsetilmegen.
- Álemdik tájirıbe kórsetip otyrǵandaı, búginde Qytaı, AQSH, Fınlándıa, Ońtústik Koreıa jáne Grýzıada mektep bitirýshi túlekter joǵarǵy oqý ornyna túser kezde mindetti pán retinde ózderiniń ana tili men ádebıetinen emtıhan tapsyrady. Bul óz kezeginde jas býynnyń tildik ortaǵa kedergisiz aralasýyna múmkindik berip, ulttyq qundylyqtardy baǵalaýyna, óz eliniń tili men mádenıetin tereń uǵynýyna yqpal etedi. Atalǵan elder tildik saıasat máselesin osyndaı tetikter arqyly sheship otyr, - delingen málimdemede.
Sonymen qatar qazirgi tańda «Qazaqstan Respýblıkasynyń azamattyǵy týraly» zańǵa memlekettik tildi, Qazaqstannyń tarıhy negizderin jáne ulttyq zańnamany bilý qajettigi týraly qoldanystaǵy normatıvtik-quqyqtyq aktilerge ózgerister engizilýde.
- Memlekettik jáne memlekettik emes uıymdarda qyzmet etetin sala mamandarynyń memlekettik tildi meńgerý deńgeıin anyqtaý maqsatynda «QAZTEST» sertıfıkatyn mindetteıtin normalardy engizý pysyqtalatyn bolady, - delingen habarlamada.