Bul baǵyttaǵy jumys jalǵasýda.
Almaty oblysynda paıdalanylmaı jatqan 61 myń gektar jer memleket menshigine qaıtaryldy. Bul jóninde óńir ákimi Qanat Bozymbaev Uıǵyr aýdany turǵyndarymen kezdesý barysynda aıtty, dep habarlaıdy Almaty-akshamy.kz.
Almaty oblysy ákiminiń baspasóz qyzmetiniń málimeti boıynsha, jer máselesimen arnaıy oblystyq komısıa aınalysyp jatyr. Qazir olar Panfılov aýdanynda jumys isteýde.
Oblys ákiminiń aıtýynsha, qabyldanǵan sharalardyń nátıjesinde jalpy 61 myń gektar jer memleket menshigine qaıtaryldy, 167 myń gektarǵa qatysty materıal qaralyp jatyr.
Qanat Bozymbaevpen kezdesýde Uıǵyr aýdany turǵyndarynyń basym bóligi egistik, jaılym jerlerdiń joqtyǵyna qatysty suraqtar qoıdy.
«Oblys ákimi bolǵaly beri 12 aýdan men qalada turǵyndarmen kezdesý ótkizdim. Osy kezdesýlerde áleýmettik sıpattaǵy 200-den astam problemalyq másele kóterildi. Bul rette árbir aýdanda paıdalanylmaıtyn jer ýchaskeleri, jeke mal jaıatyn jaıylymnyń joqtyǵy týraly aıtyldy. Sońǵy jyldary Uıǵyr aýdanynyń turǵyndary jaıylymdyq jáne turǵyn úı qurylysy úshin jerdiń jetispeýi, aýyl sharýashylyǵy jerlerin konkýrs boıynsha alý, iri sharýashylyqtardyń paıdalanýsyz jerlerin qaıtarý máselelerin jıi kóterip júr. Sýarý júıelerin jóndeýde aýdan basshylyǵynyń naqty sharalar qabyldamaýy da narazylyq týdyryp otyr», - dep atap ótken Qanat Bozymbaev osy máselelerge baılanysty aýdan basshylyǵyna tıisti tapsyrmalar berdi.