Alǵashqy medısınalyq-sanıtarlyq kómek kórsetýde medbıkelerge jaýapkershilik júkteledi.
Endi olar naýqastardy qabyldap, aýrýdy emdeýge nemese onyń aldyn alýǵa keńes berip kómektesedi. Osylaısha, otbasylyq dárigerlerge túsetin salmaq azaıady. Osy jáne ózge de máseleler Dúnıejúzilik densaýlyq saqtaý uıymynyń Eýropalyq ortalyǵy uıymdastyrǵan jıynda talqylandy, dep habarlaıdy Almaty-akshamy.kz 24.kz-silteme jasap.
Sondaı-aq Tájikstannan kelgen dárigerler Qazaqstanda ashylǵan alǵashqy medısınalyq kómek kórsetetin platformanyń jumysymen tanysty.
«Bizdiń jumysymyz sapaly qyzmet kórsetýdi kózdeıdi. Tájikstanda halyqtyń 73% aýyldy jerde turady. Sondyqtan biz osy jaǵyn eskerý kerekpiz. Alǵashqy medısınalyq-sanıtarlyq kómek kórsetýde sizderdiń eldegi tájirıbeniń tıimdi tustaryn engizýdi josparlap otyrmyz. Árıne, halyqqa medısınalyq qyzmet qoljetimdi bolýy tıis», - deıdi «Otbasylyq medısına oqý-klınıkalyq ortalyǵy» MM bólim basshysy Býnafsha Djonova.
«Qazaqstan alǵashqy medısınalyq-sanıtarlyq kómek kórsetý boıynsha kóshbasshy sanalady. Buǵan deıin Ózbekstan men Qyrǵyzstannan delegasıa kelip ketken. Munda demonstrasıalyq platforma kóktemde ashylǵan. Mundaı sharalar alǵashqy medısınalyq kómekti kúsheıtip, kedergilerdi joıýdy kózdeıdi. Naqty medısınalyq qyzmetti ıngerasıalaýdyń tıimdi tásilderin usynady», - deıdi MSAK boıynsha DDSU Eýropalyq ortalyǵynyń keńse jetekshisi Melıtta Iakab.