Almatyda Tóle bı - Abylaı han kósheleriniń qıylysynda eki avtobýs soqtyǵysty
Oqıǵaǵa kýá bolǵandardyń aıtýynsha, zardap shekkender kóp, dep habarlaıdy Almaty-akshamy.kz QazAqparatqa silteme jasap.
«Tóle bı - Abylaı han kósheleri qıylysynyń dál ortasynda jan túrshigerlik apat boldy. Eki avtobýs soqtyǵysyp, saıabaqqa kirip ketti. Jolaýshylarǵa obal boldy, kóptegen zardap shekkender bar», - dep jazdy oqıǵa kýágeri áleýmettik jelide.
Almaty qalalyq Mobıldilik basqarmasynyń málimetinshe, quzyrly organdar oqıǵa ornynda jumys isteýde.
Jol-kólik apatynyń sebebin polısıa qyzmetkerleri anyqtaýda.