«Qazsýshar» fılıaldary elimizdiń sharýalaryna 6,63 mlrd tekshe metrden astam sý berdi.
Qalǵan óńirlerde úzdiksiz sý berý jumysy qyrkúıek aıynyń sońyna deıin jalǵasady, dep habarlaıdy aqshamnews.kz sala mınıstrligine silteme jasap.
Atap aıtqanda, Qyzylorda oblysynyń sharýalaryna 2,93 mlrd tekshe metrden astam sý berildi. Túrkistan oblysynyń dıhandary 1,52 mlrd tekshe metrden astam sýmen qamtamasyz etildi. Jetisý oblysynyń sharýalaryna 887 mln tekshe metr sý berildi.
Jambyl oblysy boıynsha «Qazsýshar» fılıaly jergilikti sharýalarǵa 410 mln, «Úlken Almaty kanaly» fılıaly 400 mln jáne Q.Sátbaev atyndaǵy kanal 316 mln tekshe metr sý jiberdi.
«Barlyq óńirde sýarý kezeńi kestege saı ótip jatyr. Búgingi tańda elimizdiń sharýalarymen sýarmaly sý berýge 24 myńǵa jýyq kelisimshart jasaldy. Kórshi eldermen de kelisimder bar. Mysaly, 1 sáýirden beri Ózbekstannan Syrdarıa ózeni arqyly elimizge 4 mlrd tekshe metrden astam sý keldi. Tájikstan 1 maýsymnan bastap memleketaralyq «Dostyq» kanaly arqyly 488,6 mln tekshe metr sý jiberdi. Al Qyrǵyzstan Qazaqstanǵa Shý jáne Talas ózenderi arqyly 532 mln tekshe metrden astam sý jiberdi», - dedi Sý resýrstary jáne ırrıgasıa vıse-mınıstri Nurlan Aldamjarov.