Qazaqstan aýmaǵynda turaqsyz aýa raıy saqtalady.
"Qazgıdromet" RMK 2024 jyldyń 30 naýryzy men 1 sáýiri aralyǵyndaǵy aýa raıy boljamyn usyndy, dep habarlaıdy Almaty-akshamy.kz
Boljamda Ekaterınbýrg ústinde ornalasqan aýqymdy sıklon jáne onymen baılanysty atmosferalyq frontaldy ýchaskeler Qazaqstannyń barlyq aýmaǵyna áser etýdi jalǵastyryp jatqany atap ótildi.
"Onymen birge jaýyn-shashyn negizinen jańbyr túrinde saqtalady, 30 naýryzda Aqmola, Pavlodar, Qaraǵandy oblystarynda, 31 naýryzda Shyǵys Qazaqstan oblysynda qatty jaýyn-shashyn bolady", - delingen "Qazgıdromet" RMK baspasóz qyzmeti taratqan habarlamada."
Sondaı-aq tolassyz jaýǵan jańbyr Túrkistan, Jambyl, Almaty, Jetisý oblystaryn da aınalyp ótpeıdi.
"Respýblıkanyń basym bóliginde aýa temperatýrasy túnde 3-10 aıazǵa deıin tómendeıdi, kúndiz 5-13 gradýsqa deıin kóteriledi dep kútilýde. Ońtústik jáne ońtústik-shyǵys oblystarda túnde aýa temperatýrasy tómendeıdi. 6 gradýs aıaz – 2 gradýs aıaz, kúndiz 5-18 gradýsqa deıin kóteriledi." dedi "Qazgıdromet" RMK baspasóz qyzmeti.
Elimizdiń batysynda ǵana kún jyly bolady.