Almatyda keshegi daýyldan otyzǵa jýyq aǵash qulap, 13 kólikti basyp qalǵan.
Sekýndyna 24 metr jyldamdyqpen soqqan jel Aqsaı shaǵyn aýdanyndaǵy №132 mekteptiń shatyrynyń keı jerin ushyryp ketken. Artynsha bolǵan nóser jaýynnan qalanyń tómengi aýdandaryndaǵy jeke úılerdiń aýlasy men kóshelerdi sý basty. Qalanyń keıbir bólikterinde elektr jaryǵy sónip qaldy.
Aýa raıynyń qolaısyzdyǵyna baılanysty qalanyń tótenshe jaǵdaı qyzmetteri men komýnaldyq kásiporyndar túnimen jumys istedi. Tańǵa deıin daýyl men nóser jaýynnyń saldarynan qulaǵan aǵashtar kesilip, joldar tazartyldy. Al shatyry ushqan mektepke, merdiger uıym oqýshylardyń kanıkýly aıaqtalǵansha jóndeý jumystaryn júrgizedi.
«Qazgıdromet» búgin jáne erteń Almatyda 8 mm-ge deıin jańbyr jaýady dep boljap otyr.
Nurlan Atyǵaev, Almaty qalasy TJD basshysy: - Jeke úılerdiń aýla aýmaqtaryn 38 sý basý týraly habarlamalarǵa departament kúshteri men quraldary birge barlyq qońyraýlarǵa ýaqytyly den qoıyp, jumys istedi. Qazirgi ýaqytta barlyq oqıǵalar joıyldy. Qaladaǵy jaǵdaı turaqty. Abyroı bolǵanda, zardap shekken adamdar týraly aqparat tirkelgen joq.