Jol qaýipsizdigi.
Aýa raıynyń qolaısyzdyǵyna baılanysty túnde Abaı oblysyndaǵy joldarda shekteýler qoıyldy. Qatty boran saldarynan Almaty-Óskemen tas jolynda, sondaı-aq Aıagóz ben Qalbataý aralyǵynda júk kólikter men tirkemesi bar kólikterdiń júrýine tyıym salyndy, dep habarlaıdy Almaty-akshamy.kz.
Kóktaıǵaq pen borannan birneshe kólik apaty tirkeldi. Jaraqat alyp, aýrýhanaǵa jetkizilgender bar. Al elimizdiń ońtústiginde Almaty-Tashkent-Termez, sondaı-aq Jambyl oblysynyń Túrkistanmen shektesetin aýmaǵynda aýa raıynyń qolaısyzdyǵyna baılanysty júk kólikterine qoıylǵan shekteýler búgin tańerteń alynyp tastaldy.