Eń yqtımal úmitkerler qatarynda "Transtelekom" tur.
Jyl sońyna deıin Qazaqstanda tórtinshi uıaly baılanys operatory paıda bolýy múmkin, dep habarlaıdy Almaty-akshamy.kz LS silteme jasap.
Básekelestikti qorǵaý jáne damytý agenttiginiń habarlaýynsha, jyl sońyna deıin radıojıilik spektrin taratý boıynsha aýksıon ótkizý josparlanýda. Oǵan barlyq múddeli kompanıalar qatysa alady.
«Aldaǵy aýksıonǵa qatysý týraly sheshim uıaly baılanys naryǵynyń áleýetti qatysýshylarynyń ózderine baılanysty», - dep habarlady agenttik mamandary.
Eske sala keteıik, qazirgi ýaqytta aýksıondar ótkizilip jatqan joq. Osynyń saldarynan, agenttiktiń málimetinshe, kompanıa uıaly baılanys operatory mártebesinsiz jıilikterdi ala almaı keledi, biraq jıilikterdiń bolmaýyna baılanysty mártebesi joq kezde paradoks týyndady. Aýksıon osy máseleni sheshýi tıis.
Bul rette tórtinshi operator róline eń yqtımal úmitkerler qatarynda "Transtelekom" ataldy.
Qazirgi ýaqytta Qazaqstannyń uıaly baılanys naryǵynda úsh operator bar: Kcell, Tele2, Beeline.