Cportshylardy irikteý rásimderiniń ashyq ótýi mańyzdy.
Aldaǵy ýaqytta QR Mádenıet jáne sport mınıstrligi sportshylardyń barlyq jetistigin, jarystarǵa qatysý kestesin baqylaýǵa múmkindik beretin e-sport júıesin iske qospaq, dep habarlaıdy Almaty-akshamy.kz İnbusiness.kz silteme jasap.
"Qurama komanda qataryna sportshylardy irikteý rásimderiniń ashyq ótýi mańyzdy. Bul bizdiń basty nazarymyzda. Aldaǵy ýaqytta mınıstrlik sportshylardyń barlyq jetistigin, jarystarǵa qatysý kestesin baqylaýǵa múmkindik beretin e-sport júıesin iske qosady. Ádilettilik pen ashyqtyq mańyzdy, sport júıesinde salaýatty básekelestik bolýy tıis", – dep atap ótti vedomstvo basshysy Dáýren Abaev.
Mınıstrdiń aıtýynsha, Olımpıadaǵa qatysýǵa múmkindik beretin lısenzıalar sanyna emes, medaldardyń sapasyna nazar aýdarý qajet. Sebebi jalpykomandalyq esep altyn medal sany negizinde júrgiziledi.
"Joǵary jetistikter sportyn damytý úshin úlken qarajat bólinip, qoldaý kórsetilýde. Qajetti jaǵdaılar jasalyp jatyr. Degenmen mınıstrlik qaıyrymdylyqpen aınalyspaıdy. Sondyqtan ár teńge úshin qatań suraý bolady. Muny osynda otyrǵan árqaısysyńyz este saqtaýǵa tıissizder", – dedi vedomstvo basshysy.
Aıta ketý kerek, jyl basynan beri elimizdiń qurama komandalary 19 álem chempıonatyna jáne 20 Azıa chempıonatyna qatysyp, 140 medal ıelendi.