Taýar ıntervensıalarynyń uzaqtyǵy – aqpannan sáýirge deıin.
Negizgi sharttardyń biri – bólshek saýda baǵasy qol qoıylǵan kelisimsharttar sheńberinde bolýy kerek, dep habarlaıdy Almaty-akshamy.kz.
2023 jylǵy 8 aqpanda Premer-Mınıstrdiń orynbasary – Saýda jáne ıntegrasıa mınıstri Serik Jumanǵarınniń tóraǵalyǵymen ótken jedel keńeste ákimdikterge áleýmettik mańyzy bar kókónis qorlaryna brondy alyp tastaý sqemasy usynyldy.
Rrimeminister.kz saıtynda atap ótilgendeı, osy aptada óńirlerde Premer-Mınıstrdiń tapsyrmasyn oryndaý aıasynda áleýmettik-kásipkerlik korporasıalardyń rezervterinen áleýmettik mańyzy bar kókónisterdi brondaý bastalady.
Saýda jáne ıntegrasıa birinshi vıse-mınıstri Arman Shaqqalıev aıtqandaı, osy aptada óńirlik komısıalar, birinshi kezekte pıazǵa, odan keıin sábiz, kartop, qyryqqabat boıynsha, kólemderin, baǵasyn, sharttary men saýda núktelerin aıqyndaı otyryp, taýarlyq ıntervensıalardy ótkizý týraly sheshim qabyldaýy tıis. Baqylaý-kassalyq apparattardy paıdalaný mindetti bolýy qajet.
Taýar ıntervensıalarynyń uzaqtyǵy – aqpannan sáýirge deıin. Negizgi sharttardyń biri – bólshek saýda baǵasy qol qoıylǵan kelisim-sharttar sheńberinde bolýy kerek.
Aýyl sharýashylyǵy vıse-mınıstri Baǵlan Bekbaýov jarıalaǵan ákimdikterdiń naqtylanǵan derekterine sáıkes, el boıynsha pıaz qorynyń deńgeıi 130%, kartop 118%, sábiz 103%, qyryqqabat 74%-dy quraıdy.
Aýyl sharýashylyǵy mınıstrligi óńirlerge satyp alý úshin usynǵan qorlardyń deńgeıi maýsymaralyq qajettilikten eseptelgenin atap ótý mańyzdy, bul qala halqynyń 4 aılyq tutynýynyń 30%-yn quraıdy. Osylaısha, aımaqtar kókónisterdiń qorlaryn brondaýdy bastaı alady.
«Premer-Mınıstr negizgi azyq-túlik baǵasyna qatysty jaǵdaıdy turaqtandyrý jóninde naqty tapsyrma berdi. Úkimettiń usynystary bar, eń bastysy – tártip pen oryndaý talap etilýde. Qyryqqabat boıynsha óz qorlaryn áli qamtamasyz etpegen aımaqtar úshin Qyrǵyzstanda arzan baǵamen kelisimshart jasaýdy usynamyn, biz “Qaztrade” AQ arqyly qoldaý kórsete alamyz. Osy ýaqytta kókónis qorlaryn brondaýdy dereý bastańyzdar», — dedi saýda jáne ıntegrasıa mınıstri Serik Jumanǵarın.