2023 jylǵy 19 naýryzǵa taǵaıyndalǵan Qazaqstan Respýblıkasy Parlament Májilisine depýtattarynyń kezekten tys saılaýyna daıyndyq jáne ótkizý kezeńindegi qyzmet týraly Qazaqstan Respýblıkasynyń buqaralyq aqparat quraldary úshin aqparattyq habarlama
«Jetinshi saılanǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly» Qazaqstan Respýblıkasy Prezıdentiniń 2023 jylǵy 19 qańtardaǵy № 104 Jarlyǵyna sáıkes Qazaqstan Respýblıkasy Parlamenti Májilisi depýtattarynyń kezekten tys saılaýy 2023 jylǵy 19 naýryzǵa taǵaıyndaldy.
Osyǵan baılanysty, Qazaqstan Respýblıkasynyń Aqparat jáne qoǵamdyq damý mınıstrligi 2022 jylǵy 5 qarashada engizilgen «Qazaqstan Respýblıkasyndaǵy saılaý týraly» Konstıtýsıalyq zańyndaǵy (budan ári - Zań) ózgeristerge BAQ, ınternet-resýrstar men onlaın – platforma paıdalanýshylaryna kelesini habarlaıdy:
Atap aıtqanda, qoldanystaǵy Zańdarǵa sáıkes:
1) Parlament Májilisiniń depýtattary aralas saılaý júıesi boıynsha: birtutas jalpyulttyq saılaý okrýginiń aýmaǵy boıynsha proporsıonaldy ókildik etý júıesi boıynsha, sondaı-aq birmandattyq aýmaqtyq saılaý okrýgteri boıynsha saılanady (Zańnyń 9-baby);
2) BAQ jáne onlaın-platforma paıdalanýshylary áleýmettik jelilerde (onlaın-platformalarda) saılaý aldyndaǵy úgitti júzege asyrý tártibi aıqyndalǵan.
Saılaýaldy úgitti áleýmettik jelilerde (onlaın-platformalarda) júzege asyrýǵa nıet bildirgen onlaın-platformalar paıdalanýshylary BAQ-pen (telearnalar, radıoarnalar, merzimdi baspasóz basylymdary, ınternet-resýrstar) qatar, saılaý aldyndaǵy úgit bastalǵanǵa deıin 5 kún buryn saılaý komısıalaryna tólem mólsheri týraly málimetterdi, ornalastyrý sharttaryn (birtutas jalpyulttyq saılaý okrýginiń aýmaǵy boıynsha – ortalyq saılaý komısıasyna, bir mandattyq aýmaqtyq saılaý okrýgteri boıynsha – aýmaqtyq saılaý komısıalaryna) usynýy qajet.
BAQ (telearnalar, radıoarnalar, merzimdi baspasóz basylymdary, ınternet-resýrstar) úgit materıaldaryn ózderiniń áleýmettik jelilerdegi (onlaın-platformalardaǵy) resmı akkaýnttaryna ornalastyrýdy josparlaǵan jaǵdaıda, mundaı akkaýnttardyń ataýlary da tıisti saılaý komısıalaryna usynylýy tıis.
Buqaralyq aqparat quraldary saılaý aldyndaǵy úgit bastalǵansha bes kúnge deıin efır men baspa alańyn berýdiń tólem mólsheri, sharttary men tártibi týraly málimetterdi jarıalamasa jáne olardy tıisti saılaý komısıalaryna usynbasa, kandıdattardyń úgit materıaldaryn ornalastyryp tarata almaıdy (osy normany buzý laýazymdy adamdarǵa - 30 AEK, zańdy tulǵalarǵa - 50 AEK mólsherinde aıyppul salýǵa ákep soǵady).
Úgit materıaldardy olardyń jeke paraqshalarynda ornalastyrý sharttary týraly málimetterdi OSK-ǵa jáne/nemese ASK-ge jarıalaǵan jáne usynǵan BAQ jáne onlaın-platformalar paıdalanýshylary úgit materıaldaryn tek sharttyq negizde ornalastyrady.
Bul rette azamattar men qoǵamdyq birlestikterdiń qarjylandyrýdy talap etpeıtin saılaý aldyndaǵy kedergisiz úgit júrgizý quqyǵy saqtalady.
Osyǵan baılanysty, partıalyq tizimderdi, kandıdattardy tirkeý merzimi aıaqtalǵanǵa deıin, saılaý kúni jáne onyń aldyndaǵy kúni (2023 jylǵy 18 aqpannyń 18.00 saǵatyna deıin, sondaı-aq 2023 jylǵy 18 jáne 19 naýryzda) saılaý aldyndaǵy úgit júrgizýge tyıym salynatynyn eske salamyz. Kórsetilgen normany buzǵany úshin ákimshilik jaýapkershilik kózdelgen (QR ÁQBtK-niń 102-baby).
3.Teleradıo habarlaryn taratý sýbektilerimen jańalyqtar men taldamalyq baǵdarlamalarda kez kelgen úgit materıaldaryn taratýyna tyıym salynǵanyn teleradıo habarlaryn taratý sýbektileriniń nazaryn aýdaramyz. Osy tyıymdy buzǵany úshin 50 AEK mólsherinde aıyppul túrindegi ákimshilik shara belgilendi (ÁQBtK-niń 102-babynyń 1-1 tarmaǵy).
Jadynama mátimen tómendegi silteme arqyly tanysa alasyzdar.