Bul - Ulttyq statısıka búrosy taratqan málimet.
Aqparat boıynsha, qańtarda turǵyn úıdi jalǵa berý naryǵynda baǵa 2,5%-ǵa tómendedi, dep habarlaıdy Almaty-akshamy.kz
Al bir aıdyń ishinde (2023 jylǵy qańtar 2022 jylǵy jeltoqsanǵa) jańa turǵyn úıdi satý baǵasy – 0,7%, qoldanystaǵy páterler saýdasyndaǵy baǵa 0,3% ósti.
Máselen, satylatyn jańa turǵyn úıdiń bir sharshy metriniń baǵasy 481 891 teńge, páterlerdi qaıta satý 515 019 teńge, abattandyrylǵan turǵyn úıdi bir sharshy metrin jalǵa alý quny 4 671 teńge boldy.
Statıser usynǵan aqparatqa súıensek, bir jylda (2023 jylǵy qańtar 2022 jylǵy qańtarǵa) qoldanystaǵy páterlerdi qaıta satý baǵacy – 18,7%, jańa turǵyn úılerdi satý 14% ósti. Abattandyrylǵan turǵyn úıdi jalǵa berý tólemi ótken jylǵy tıisti aımen salystyrǵanda 2023 jylǵy qańtarda 34,3% artty.
Óńirler bólinisinde jańa páterler naryǵynda jyldyq mánde baǵa Aqtaý – 28,2%, Aqtóbe – 25,4%, Petropavl – 20,9% qalalarynda edáýir ósti.
Qoldanystaǵy páterler saýdasy naryǵynda Semeı (46,8%), Qyzylorda (38,8%), Aqtóbe (37,3%), Aqtaý (35,4%), Taldyqorǵan (32,9%), Qostanaı (31%) qalalary kóp bastap tur, al turǵyn úıdi jalǵa alý naryǵynda baǵa Qostanaı (55,6%), Kókshetaý (55,1%), Almaty qalalarynda (50,7%) joǵary ósim kórsetken.