Kıno jáne tv jobalar óndirisi ulǵaıdy
2021 jyldyń qyrkúıek aıynda respýblıka boıynsha kıno bıletteri ortasha eseppen ótken jylǵy qyrkúıektken 13% qymbattap 1,6 myń teńge boldy, dep habarlaıdy Almaty-akshamy.kz
Óńirler boıynsha eń qymbat qalalar Shymkent (2586 teńge), Atyraý (2468 teńge) qalalary bolsa, eń arzan Semeı (1129 teńge), Kókshetaý men Oral (1200 teńge) jáne Taraz (1216 teńge). Byltyrǵy osy ýaqytpen salystyrǵanda eń kóp qymbattaǵan óńirler Aqtóbe (30,6%), Kyzylorda (28,2%) jáne Atyraý (20,4%) oblystary. Al Aqmola, Almaty, Mańǵystaý men Túrkistan oblystarynda baǵalar byltyrǵydan ózgergen joq.
2021 jyldyń birinshi jartyjyldyǵynda kıno, beınefılmder men telebaǵdarlamalar óndirisi byltyrǵy birinshi jartyjyldyqpen salystyrǵanda 19,6% ósip 21,2 mlrd teńgeni qurady.
Sonyń ishinde úshten ekisi Almaty qalasyna tıesili. Ońtústik astanadaǵy óndiris byltyrǵydan 17,6% kóbeıip 14,5 mlrd teńgege jetti. Odan keıin Nur-Sultan (4,8 mlrd teńge) men Shymkent (635,9 mln teńge) qalalary.