Ótken aptada álemde 3 mıllıonnan astam adam koronavırýs ınfeksıasyn juqtyrsa, 50 myńnan astam adam qaıtys boldy, dep habarlaıdy almaty-akshamy.kz TASS-qa silteme jasap.
Sársenbi kúni Dúnıejúzilik densaýlyq saqtaý uıymynan (DDSU) málim etkendeı, ınfeksıa juqtyrǵandar sany jeti kúnde 3%, al qaıtys bolǵandar sany 8% artty.
«Sońǵy bir aptada álemde koronavırýs juqtyrǵandar sany onyń aldyndaǵy aptamen salystyrǵanda aıtarlyqtaı ósti (3%). Barlyǵy 3 mln astam jaǵdaı tirkeldi», - delingen DDSU epıdemıologıalyq búlleteninde.
Qaıtys bolǵandar sany bir aptada 8% (50 myń adam) kóbeıdi. İndetti juqtyrǵandardyń 60% Eýropa turǵyndary. Jeti kúnde naýqastar sany 6% artqan, Amerıkada – 3%, Batys Tynyq muhıty elderinde 2% ósken. Shyǵys Jerorta teńizinde KVI-di juqtyrý aıtarlyq azaıǵan (12%), Ońtústik-SHyǵys Azıada (9%) jáne Afrıkada (9%) da tómendegen. İndetten qaıtys bolǵandardyń eń kóbi Ońtústik-SHyǵys Azıada tirkeldi (50%).
Búletende keltirilgen málimetterge sáıkes, 25-31 qazan aralyǵynda álemde 3 021 634 adam koronavırýs juqtyrǵan jáne 50 477 adam qaıtys bolǵan. Bir aptada eń kóp aýrý juqtyrǵan elderge AQSH (528 455), Ulybrıtanıa (285 028), Reseı (272 147), Túrkıa (182 027) jáne Ýkraına (152 897) kiredi.