Qaterli isik terapıasynyń tıimdiligi - ýaqytyly jasalǵan dıagnozda
Ótken jyly bul dıagnoz 591 balaǵa qoıylǵan, dep habarlaıdy Almaty-akshamy.kz
Qazaq onkologıa jáne radıologıa ǵylymı-zertteý ınstıtýtynyń basshysy Dılára Qaıdarovanyń aıtýynsha, qaterli isikke shaldyqqan balalardyń 40%-yna leıkoz (aq qan aýrýy) dıagnozy qoıylady. Balalar onkologıasynyń jalpy qurylymynda mı isikteri, neıroblastomalar, lımfomalar jáne retınoblastomalar basym.
Qazaq onkologıa jáne radıologıa ǵylymı-zertteý ınstıtýtynyń balalar onkologıa ortalyǵynda jylyna 200-ge deıin bala emdeledi.
«QazǴZI balalar onkologıasy ortalyǵy 20 balaǵa arnalǵan. Zamanaýı qural-jabdyqtardyń arqasynda bizdiń ortalyqta balalarǵa naqty dıagnostıka jasalyp, sáýleli jáne hımıalyq emdeý sharalary jasalady. Atap aıtqanda, pozıtrondy-emıssıalyq tomografıa, sáýlelendirý apparaty álemde 8 elde ǵana bar. Tomototerapıa arnaıy balalarǵa arnalǵan. Emdeý sharalarynyń barlyq túri balalar úshin tegin», – deıdi Qazaq onkologıa jáne radıologıa ǴZI AQ basqarma tóraıymy Dılára Qaıdarova.
Onyń aıtýynsha, baladaǵy onkologıalyq aýrýdy anyqtaý óte qıyn. Sondyqtan ata-analar balalarynyń densaýlyǵyna óte muqıat bolýy kerek. Qaterli isik terapıasynyń tıimdiligi ýaqtyly dıagnozǵa baılanysty ekenin este ustaǵan jón.
«Búırek isigin últradybystyq zertteý (ÝDZ) arqyly anyqtaýǵa bolady. Endi árbir bala aı saıyn emhanada skrınıngten ótýi kerek. Bul skrınıngter aýrýdy erte kezeńde anyqtaýǵa múmkindik beredi. Áıel ózin kútýi kerek, júktilik kezinde mindetti túrde últradybystyq zertteý skrınınginen ótýi kerek», – dep atap ótti onkolog.