Sońǵy aptada 16 mıllıonnan astam adam koronavırýs ınfeksıasyn juqtyrdy, 74 myńnan astamy qaıtys boldy.
Dúnıejúzilik densaýlyq saqtaý uıymy (DDSU) seısenbi kúni keshke kovıd juqtyrǵandar sany aldyńǵy jeti kúnmen salystyrǵanda 19%-ǵa azaıyp, al qaıtys bolǵandar sany 4%-ǵa óskenin málimdedi, dep habarlaıdy Almaty-akshamy.kz QazAqparatqa silteme jasap.
Onyń aptalyq búlleteninde kórsetilgendeı, 7-13 aqpan aralyǵynda COVID-19 vırýsyn juqtyrýshylar sany ótken aptamen salystyrǵanda 19%-ǵa azaıdy. Uıym 16 097 642 adam kovıd juqtyrǵany týraly habarlama aldy. 74 494 ólim tirkeldi, bul aldyńǵy jeti kúnmen salystyrǵanda 4%-ǵa artyq.
Ótken aptamen salystyrǵanda (31 qańtar – 6 aqpan) vırýs juqtyrǵandar sanynyń artýy Tynyq muhıtynyń batys aımaǵynda (19%-ǵa) tirkeldi. Sonymen birge DDU-nyń qalǵan bes aımaǵynda aýrýshańdyq tómendedi. Ásirese aıtarlyqtaı tómendeý Ońtústik-SHyǵys Azıada (37%-ǵa), Amerıkada (32%-ǵa) jáne Afrıkada (30%-ǵa) tirkeldi.
Bir aptada álemde jańa ınfeksıalardyń 60%-yn quraıtyn Eýropada bul kórsetkish 16%-ǵa tómendegen. Ólim-jitim Shyǵys Jerorta teńizinde (38%-ǵa), Batys Tynyq muhıtynda (27%-ǵa), Afrıkada (14%-ǵa), Amerıkada (5%-ǵa) jáne Eýropada (1%-ǵa) ósti. Bul rette Ońtústik-SHyǵys Azıada 9%-ǵa tómendedi. Reseıde bir aptadaǵy eń kóp ınfeksıa juqtyrý (1 323 391) jaǵdaıy tirkeldi. Odan keıin Germanıa (1 322 071), AQSH (1 237 530), Brazılıa (1 009 678) jáne Fransıa (979 228). Amerıka Qurama Shtattarynda jeti kúnde eń kóp ólim-jitim tirkelgen (17 225).
Odan keıin Úndistan (6686), Brazılıa (6658), Reseı (4834) jáne Meksıka (2530). DDU málimeti boıynsha, 15 aqpanda Máskeý ýaqytymen 19:50-de uıym 412 351 279 vırýs juqtyrǵan jáne 5 821 004 adam qaıtys bolǵany týraly aqparat alǵan. Vırýs juqtyrǵandar sany bir táýlikte 1 469 326-ǵa, qaıtys bolǵandar 7 351-ge ósken.