Búgin - Halyqaralyq shala týǵan náresteler kúni.
Jyl saıyn álemde 15 mıllıon sábı, al Qazaqstanda 22 myńǵa jýyq sábı shala (4,9-5%) týady, dep habarlaıdy Almaty-akshamy.kz Densaýlyq saqtaý mınıstrligine silteme jasap.
Vedomstvonyń málimetinshe, neonatologtardyń jumysynyń arqasynda balalardyń ómir súrý kórsetkishi artyp, búginde 70-80 paıyzǵa jetip otyr.
2022 jyldyń 9 aıynda elimizde 299 711 sábı dúnıege keldi, olardyń 16,3 myńy – merziminen buryn týǵan sábıler.
«Shala týǵan nárestelerdiń ómir súrý kórsetkishin jaqsartý úshin Qazaqstanda DDSU usynǵan jáne dáleldi medısına qaǵıdattaryna negizdelgen ókpe tininiń jetilýine arnalǵan jańa tehnologıalardy jáne zamanaýı dıagnostıkalyq jáne emdeý aparatýrasy men dárilik zattardy paıdalana otyryp, jańa týǵan nárestelerdi reanımasıalaý jáne qarqyndy terapıa ádisteri engizilip, úzdiksiz damyp jatyr», - deıdi mınıstrlik.
Qazaqstanda 39 perınataldyq ortalyq jáne 2 respýblıkalyq deńgeıdegi akýsherlik uıym jumys isteıdi, olarda jańa týǵan nárestege der kezinde medısınalyq kómek kórsetý jáne qajet bolǵan jaǵdaıda bosanǵannan keıingi alǵashqy kúnderi hırýrgıalyq ota jasaý úshin áıel bosanǵanǵa deıin aýrýhanaǵa jatqyzylady.