QR Prezıdenttigine kandıdat Saltanat Tursynbekova Petropavlda Sábıt Muqanov atyndaǵy oblystyq ámbebap ǵylymı kitaphanasynda jergilikti halyqpen kezdesý ótkizdi. Onda ol Qazaqstandaǵy áıelder kásipkerligin damytý týraly aıtty.
Úmitker memlekettik organdardyń derekteri men zertteýlerine silteme jasaı otyryp, statısıkany jarıalady.
Áıelder kásipkerligi SHOB sektoryndaǵy jumys oryndarynyń 31,4%-yn qamtamasyz etedi. 2020 jylǵy málimetterge sáıkes, Qazaqstanda áıelder basqaratyn kásiporyndardyń úlesi 28,3 paıyzdy qurady. Olardyń kópshiligi shaǵyn jáne orta bıznes ókilderi, olar osy sektordaǵy jumys oryndarynyń 31,4%-yn jáne eldiń jalpy ishki óniminiń shamamen 14,6%-yn qamtamasyz etedi.
Quqyq qorǵaýshy shaǵyn bıznes pen jeke kásipkerlerdi salyqtan tolyǵymen bosatýdy usynatynyn aıtty.
«Kásipkerlerdiń aıaqqa turýyna múmkindik berýimiz kerek. Olar orta deńgeıge ótkende, jeńildetilgen salyq salý qazirdiń ózinde bar. Qyzmet salasyna baılanysty jeńildikti rejım. Al iri bızneske, ásirese oıyn bıznesine, kerisinshe, salyqty arttyrýy kerek», - dep atap ótti ol.
Sondaı-aq, jınalǵandar kandıdattan saılaýaldy baǵdarlamasy týraly surady. Atap aıtqanda, áıelderdiń zeınet jasyn tómendetý, sot reformasy jáne ekonomıkadaǵy ózgerister týraly sóz boldy.