Byltyrǵy osy kezeńde baǵanyń ósimi 11,9% bolǵan.
QR Básekelestikti qorǵaý jáne damytý agenttigi málimetinshe, jumys istep turǵan qant zaýyttarynyń óndiristik qýaty shıkizatpen turaqty qamtamasyz etilip, ishki naryqtyń suranysyn qanaǵattandyrýǵa jetkilikti, dep habarlaıdy Almaty-akshamy.kz.
Jyl basynan beri qant baǵasynyń ósýi 86,6% boldy (2021 jyldyń sáıkes kezeńinde – 11,9%). Búginde qant baǵasynyń ósý qarqyny tómendedi, biraq ósý dınamıkasy saqtalyp tur. 2022 jylǵy shildede bólshek saýda baǵasynyń ósýi 5,3% deńgeıinde boldy.
Qazaqstanda qant óndirýdiń negizgi kólemin eki aımaqta ornalasqan tórt qant zaýyty júzege asyrady:
Jambyl oblysynda – «Taraz qant zaýyty» (qant quraǵynan óndirý) jáne «Merken qant» JSHS (quraq + qyzylsha);
Almaty oblysynda – «Kóksý qant zaýyty» JSHS (qamys + qyzylsha) jáne «Aqsý Kant» JSHS (qyzylsha).
Jumys istep turǵan qant zaýyttarynyń óndiristik qýaty shıkizatpen turaqty qamtamasyz etilip, ishki naryqtyń suranysyn qanaǵattandyrýǵa jetkilikti. Otandyq shıkizattyń da, ımporttyq shıkizattyń da tapshylyǵy ımporttyq shıkizatty satyp alý úshin qajet zaýyttardyń aınalym qarajatynyń jetkiliksizdiginen damydy.