Jyl basynan beri 1 mln 119 myń gektar jer qaıtaryldy.
Komısıa aýmaǵy 7,45 mln ga jerde 2 584 sýbektige qatysty tekserý júrgizýdi josparlap otyr, onyń ishinde egistik alańy – 585,2 myń ga, jaıylym jer – 6,86 mln ga, dep habarlaıdy Almaty-akshamy.kz.
QR Premer-Mınıstriniń birinshi orynbasary Roman Sklár paıdalanylmaı jatqan jáne zańnamany buza otyryp berilgen jerlerdi memleket menshigine qaıtarý jónindegi komısıanyń kezekti otyrysyn ótkizdi.
Otyrys barysynda aýyl sharýashylyǵy jerlerin anyqtaý jáne qaıtarý boıynsha júrgizilip jatqan jumystardyń nátıjeleri qaraldy.
Jyl basynan beri komısıa sheshimimen memleketke 1 mln 119 myń gektar jer qaıtaryldy.
Qazirgi ýaqytta jalpy aýmaǵy 2 mln 94 myń ga jerdi paıdalanýshylarǵa qatysty 724 jospardan tys tekserý júrgizilip jatyr, 698,4 myń ga jerdi tekserý boıynsha 48 ótinish prokýratýra organdarynda tirkeý satysynda tur.
Jalpy, komısıa aýmaǵy 7,45 mln ga jerde 2 584 sýbektige qatysty tekserý júrgizýdi josparlap otyr, onyń ishinde egistik alańy – 585,2 myń ga, jaıylym jer – 6,86 mln ga.
Bıylǵy 9 tamyzda Qazaqstan Respýblıkasynyń Prezıdenti Jer zańnamasynyń saqtalýyna tekserý júrgizýge moratorııdiń kúshin joıýdy kózdeıtin Jarlyqqa qol qoıdy.
Joǵaryda atalǵan sharalardy eskere otyryp, jyl sońyna deıin paıdalanylmaǵan jáne zańnamany buza otyryp berilgen aýyl sharýashylyǵy jerleriniń kem degende 5 mln gektaryn memleketke qaıtarý kózdelgen.