Ol MediaLab dep atalady.
Búgin Aqparat jáne qoǵamdyq damý mınıstri Darhan Qydyráli men Ǵylym jáne joǵary bilim mınıstri Saıasat Nurbek MediaLab jýrnalısıka ortalyǵynyń ashylý rásimine qatysty, dep habarlaıdy Almaty-akshamy.kz.
Aqparat jáne qoǵamdyq damý mınıstrligi janyndaǵy MediaLab jýrnalısıka ortalyǵy qoǵamdyq medıa men komýnıkasıalardyń qoǵamǵa áseri taqyryptary sheńberinde qoldanbaly ǵylymı zertteýler júrgizýmen aınalysady.
Kezdesý barysynda vedomstvo basshylary medıa-mamandyqtar úshin ádebıet daıarlap, basyp shyǵarýdy, «Bolashaq» baǵdarlamasy sheńberinde jýrnalıserdi oqytýdy uıymdastyrýdy, jýrnalısıka fakúlteti stýdentteriniń oqý merziminde tájirıbeden ótý merzimin esepke alý men ındýstrıadaǵy dýaldy bilim júıesin talqylady.
«Esterińizde bolsa, Astana MediaWeek forýmynda biz medıa ındýstrıany zertteýmen, jýrnalısıka jáne komýnıkasıa salasyndaǵy mamandardyń biliktiligin arttyrýmen júıeli túrde aınalysatyn ortalyq ashamyz degen edik. Endi, mine, sonyń oraıy búgin kelip otyr. MediaLab ortalyǵy medıa tutyný patternderin ǵylymı turǵyda zertteýdi, jýrnalıserdiń, ásirese, aımaqtaǵy jýrnalıserdiń biliktiligin arttyrýdy, salalyq jýrnalısıkany jetildirýdi, baspasóz hatshylarynyń kásibı daǵdylaryn damytýdy kózdeıdi», - dep atap ótti Darhan Qydyráli.
Ortalyqta jýrnalısıka mamandyǵy boıynsha oqyp jatqan stýdentterge de ádistemelik qoldaý kórsetiledi.
«Biz álemdegi jýrnalısıka mektepteriniń ozyq degen oqý baǵdarlamalaryn «Ashyq sıllabýs» jobasy aıasynda Qazaqstanǵa ákelip, úzdik kitaptar men oqýlyqtardy qazaq tiline aýdarýdy josparlap otyrmyz», - dedi D. Qydyráli.
Sondaı-aq ǵylym salasyndaǵy suraqtar, onyń ishinde ǵylymı jýrnalısıka jáne BAQ-taǵy ǵylymı zertteýler qarastyryldy. İs-shara sońynda mınıstrler birlesken jobalardy júzege asyrý týraly ýaǵdalastyqqa qol jetkizdi.