Bilim mınıstrligi Qazaqstan mektepterinde oqý jylynyń aıaqtalýy jáne atestattaý ótkizý merzimderi kórsetilgen buıryq jobasyn daıyndady. Biraq merzimder qoǵamdyq talqylaý kezinde ózgertilýi múmkin, dep habarlaıdy Almaty-akshamy.kz Tengrinews.kz -ke silteme jasap.
Buıryq menshik nysanyna jáne vedimistik baǵynystylyǵyna qaramastan, orta bilim berý uıymdarynda 2022-2023 oqý jylyn aıaqtaýdy uıymdastyrý maqsatynda ázirlengen. Josparǵa sáıkes, orta bilim berý uıymdarynda oqý sabaqtary 31 mamyrda aıaqtalady.
9 (10) synyp oqýshylary úshin emtıhan tapsyrý 2 maýsym men 13 maýsym aralyǵynda ótkiziledi.
11 (12) synyp oqýshylary úshin memlekettik emtıhan tapsyrý 5 maýsym men 19 maýsym aralyǵynda ótkizý josparlanǵan.
Joba qorytyndy atestattaý merzimin belgileıdi.
9 (10)-synyp oqýshylary úshin:
1. qazaq/orys tili jáne ózbek/uıǵyr/tájik tilinde bilim beretin mektepter úshin ana tili (oqytý tili) boıynsha esse nysanynda jazbasha emtıhan, gýmanıtarlyq sıkl pánderin tereńdetip oqytatyn mektep bilim alýshylary úshin jazbasha jumys (maqala, áńgime, esse) – 2 maýsym;
2. matematıka (algebra) boıynsha jazbasha emtıhan (baqylaý jumysy) – 6 maýsym;
3. orys/ ózbek/ uıǵyr/ tájik tilinde oqytatyn synyptarda qazaq tili men ádebıeti boıynsha jazbasha emtıhan (mátinmen jumys, mátin boıynsha tapsyrmalardy oryndaý) jáne qazaq tilinde oqytatyn synyptarda orys tili men ádebıeti boıynsha jazbasha emtıhan (mátinmen jumys, mátin boıynsha tapsyrmalardy oryndaý) – 9 maýsym;
4. tańdaý páni boıynsha jazbasha emtıhan (fızıka, hımıa, bıologıa, geografıa, geometrıa, Qazaqstan tarıhy, dúnıejúzi tarıhy, ádebıet (oqytý tili boıynsha), shet tili (aǵylshyn/fransýz/nemis), ınformatıka) – 13 maýsym;
11 (12) synyp oqýshylary úshin:
1. qazaq/orys tili boıynsha jáne ózbek/uıǵyr/tájik tilinde bilim beretin mektepter/synyptar úshin ana tili (oqytý tili) boıynsha jazbasha emtıhan – 5 maýsym;
2. algebra jáne analız bastamalary boıynsha jazbasha emtıhan – 8 maýsym;
3. Qazaqstan tarıhy boıynsha aýyzsha emtıhan – 12 maýsym;
4. orys/ózbek/uıǵyr/tájik tilderinde oqytatyn mektepterde/synyptarda qazaq tili men ádebıetinen jáne qazaq tilinde oqytatyn mektepterde/synyptarda orys tili men ádebıetinen jazbasha emtıhan – 15 maýsym;
5. tańdaý páni boıynsha jazbasha emtıhan (fızıka, hımıa, bıologıa, geografıa, geometrıa, dúnıejúzilik tarıh, quqyq negizderi, ádebıet (oqytý tili boıynsha), shet tili (aǵylshyn/fransýz/nemis), ınformatıka) – 19 maýsym.
Qazir buıryq jobasy 2 naýryzǵa deıin jalǵasatyn qoǵamdyq talqylaýǵa usynylǵan. Ony myna siltemeden oqı alasyz.