Avtokólik alýǵa arnalǵan jeńildetilgen nesıe berý baǵdarlamasy aıasyndaǵy 188 mlrd teńge aınalymda qalady.
Bul týraly Senattaǵy parlamenttik tyńdaýdan keıin tilshilerge Premer-mınıstrdiń birinshi orynbasary Roman Sklár aıtty, dep habarlaıdy Almaty-akshamy.kz.
«Kólik alýǵa jeńildetilgen nesıe berý baǵdarlamasyna toqtalsaq, 188 mlrd teńge revolverlik negizde osy júıe boıynsha ıgerilip jatyr. Atap aıtqanda, elimizde bul baǵdarlamaǵa aıtarlyqtaı suranys bar. Ázirge salynǵan 188 mlrd teńge jetkilikti dep sanaımyz. Jaqyn arada aınalymdaǵy osy qarajatqa qosymsha aqsha bólinbeıdi. Sebebi elimizde júzege asyratyn basqa da mańyzdy mindetter bar», - dedi R. Sklár.
Sonymen qatar ol atalǵan baǵdarlama aıasynda qarajat aınalymda qalatynyn aıtty.
«Baǵdarlama turaqty negizde iske asyrylady. Biraq onyń aıasynda beriletin nesıe sanyna qatysty ýáj aıtylyp jatqany belgili. Aldaǵy ýaqytta da revolverlik negizde qarjylandyrý jalǵasady, ıaǵnı osy aınalymdaǵy qarajatty basqa maqsattarǵa jumsamaımyz», - dedi Úkimet basshysynyń birinshi orynbasary.