Bir jylda qyzmet kórsetý kólemi úsh esege ósken.
Qazaqstandyqtar úshin jerleý qyzmeti 25 paıyzǵa qymbattady, dep habarlaıdy Almaty-akshamy.kz Finprom.kz-ke silteme jasap.
2022 jylǵy qańtar-jeltoqsanda jerleý qyzmetteriniń kólemi 13,9 mlrd teńge bolǵan, bul 2021 jyldyń qańtar-jeltoqsanymen salystyrǵanda 2,9 esege artyq.
Sonymen qatar, sarapshylardyń aıtýynsha, 2022 jyldyń qańtar-jeltoqsanynda 134,7 myń adam qaıtys bolǵan.
Shamasy, bul saladaǵy qyzmet kórsetý kóleminiń ósýi baǵanyń kúrt ósýine baılanysty.
"2023 jyldyń naýryz aıynyń qorytyndysy boıynsha jerleý qyzmetteri bir jylda birden 24,6%-ǵa qymbattady. Salystyrý úshin: ótken jyldyń naýryzynda ósim 9,3%, 2021 jyldyń naýryzynda - 6,1%, 2020 jyldyń naýryzynda - 2, 2 %», - delingen habarlamada.
Myna aımaqtarda jerleý qyzmetteriniń quny bir jyl ishinde aıtarlyqtaı qymbattaǵan:
Mańǵystaý oblysynda – 61,8%-ǵa;
Qyzylorda oblysynda – 59,1%-ǵa;
Soltústik Qazaqstan oblysynda – 52,7%-ǵa.
Sondaı-aq Aqtóbe men Jetisý oblystarynda jerleý qyzmetteri 1,5 esege qymbattady.
Saladaǵy barlyq qyzmetterdiń eń azy Batys Qazaqstan (4,9%-ǵa), Ulytaý (10%-ǵa) jáne Aqmola (10,1%-ǵa) oblystarynda qymbattady. Atyraý, Qostanaı jáne Túrkistan oblystarynda, sondaı-aq elordada ǵuryptyq qyzmetterdiń quny ózgerissiz qaldy.
2023 jyldyń basynda Erbolat Dosaev Almatyda 30 zıratty jabý josparlanǵanyn habarlady.