Oqıǵa Astana-Almaty baǵytyndaǵy áýe reısi kezinde oryn alǵan.
Dórekilik tanytyp, balaǵat sóz sóılegen jolaýshyǵa 172 myń teńge aıyppul salyndy, dep habarlaıdy Almaty-akshamy.kz Elorda.info saıtyna silteme jasap.
«Reıske tirkeý kezinde jolaýshy áıel jeke basyn kýálandyratyn qujat kórsetpegen. Balaǵat sózder aıtqan. Kólik polıseıleri tekserý kezinde elordanyń 35 jastaǵy turǵynyn anyqtady. Ol sondaı-aq polısıa bólmesine jetkizý kezinde tártip saqshylarynyń zańdy talabyna baǵynbaǵan», - dep jazylǵan habarlamada.
Áıelge qatysty QR ÁQBtK-niń 434-babynyń 1-bóligi (Usaq buzaqylyq), 667-babynyń 1-bóligi (Quqyq qorǵaý organy qyzmetkeriniń zańdy ókimine nemese talabyna baǵynbaý) boıynsha ákimshilik materıaldar toltyrylyp, Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna joldandy. Sot sheshimimen quqyq buzýshyǵa 50 AEK (172 500 teńge) kóleminde aıyppul salyndy.
Esterińizge sala keteıik, jyl basynan beri kólik polıseıleri túrli ákimshilik quqyq buzýshylyqtar jasaǵan 14 855 adamdy jaýapkershilikke tartty. Onyń ishinde usaq buzaqylyq 204 adam, quqyq qorǵaý organy qyzmetkeriniń zańdy ókimine nemese talabyna baǵynbaǵany úshin 17 adam jazalanǵan.