Jalpy qýaty 45 gıgavatt.
Elimizdiń batys jáne ortalyq óńirlerinde nemis tehnologıasy negizinde kún jáne jel elektr stansıasy jobasy qolǵa alynbaq, dep habarlaıdy Almaty-akshamy.kz
Bul týraly málimdegen QR Syrtqy ister mınıstriniń orynbasary Roman Vasılenkonyń aıtýynsha, búginde Saran qalasynda nemistiń «Goldbeck Solar» atty fırmanyń qatysýymen Ortalyq Azıadaǵy iri, qýaty 100 megavattyq kún elektr jobasy iske qosyldy.
«Nemis kapıtalynyń qatysýymen 600-den astam kásiporyn tabysty jumys istep jatyr. Bizdiń elimizge nemis kompanıalarynyń qyzyǵýshylyǵy arta túsýde. Sońǵy 15 jylda Germanıadan Qazaqstanǵa kelip túsken tikeleı ınvestısıalar 5,3 mlrd dollar qurady. Onyń basym bóligi (shamamen 80%) shıkizattyq emes sektorǵa, aýyl sharýashylyǵy, qurylys, densaýlyq saqtaýǵa, kólik logıstıkasyna baǵyttaldy. Jaqyn arada «SVEVIND» Drezden kompanıasy batys jáne ortalyq Qazaqstannyń dalasynda jalpy qýaty 45 gıgavatt jel jáne kún elektr stansıalaryn salý boıynsha iri jobaǵa kirisedi. Qazaqstan - nemis kásipkerleri men ınvestorlary úshin jańa múmkindikter mekeni, áleýeti joǵary. Ekijaqty ınvestısıalyq ahýaldy jetildire túsý arqyly ortaq jetistikte qol jetkizetinimizge senimdimin», - dedi Roman Vasılenko.