Baıqaýdyń maqsaty – qoǵamdyq paıdalanýdaǵy ǵımarattardyń ekologıalylyǵyn, jaılylyǵyn jáne ergonomıkasyn arttyrý úshin ekologıalyq ómir salty, «jasyl» jáne tómen kómirtekti tehnologıalar qaǵıdattaryn ilgeriletý, ozyq tájirıbeniń úzdik úlgileri men tehnologıalyq sheshimderin taratý.
Bul týraly Parlamenti Májilisiniń depýtaty Eldos Abaqanov «Jasyl keńse» ekologıalyq respýblıkalyq baıqaýynyń baspasóz brıfıńinde aıtty, dep habarlaıdy Almaty-akshamy.kz Elorda.info-ǵa silteme jasap.
«Jasyl keńse» baıqaýy osyǵan deıin de ótti. Ǵımarattardy jasyldandyrýǵa tikeleı baılanysty. Olardyń qorshaǵan ortaǵa áserin tómendetý. Elimizde bul qaǵıda birte-birte engizilip jatyr. Ortalyqtandyrylǵan standart joq. Árbir kásiporyn ózderi anyqtaıdy. Keıbireýi sýdy, energıany únemdeýi múmkin, – dedi Eldos Abaqanov.
Baıqaý resmı túrde 2022 jyldyń 6 mamyrynan 5 qyrkúıegine deıin segiz nomınasıa boıynsha bastalady, oǵan memlekettik organdar, bilim berý, densaýlyq saqtaý, komersıalyq jáne saýda qurylymdary, ındýstrıa, ÚEU ókilderi qatysa alady.
Jobany iske asyrýdyń 3 jyly ishinde konkýrsqa 220 uıym qatysty, olardyń 70-i talaptarǵa saı jáne jeńimpaz atandy. Búgingi tańda olar óz fılıaldarynda «Jasyl keńse» qaǵıdattaryn engizýdi jalǵastyrýda.
2020 jyldan bastap baıqaýdy ótkizý sheńberinde Qazaqstannyń túrli óńirlerinde ekologıalyq keńseniń qaǵıdattaryn engizý boıynsha kóshpeli semınarlar ótkiziledi. Osy jyly mundaı semınarlar trenerdiń qatysýymen úsh oblysta – Pavlodar, Shyǵys Qazaqstan jáne Mańǵystaý oblystarynda jalǵasady.